પવિત્ર શ્રાવણ માસના અંતિમ સોમવારે સોમનાથ ભગવાનની પાલખી યાત્રા સોમનાથ મંદિર પરિસરમાં કાઢવામાં આવી છે. મહત્ત્વનું છે કે આ પાલખી યાત્રા શ્રાવણ માસના સોમવારે જ કાઢવામાં આવે છે. શિક્ષણ પ્રધાન ભુપેન્દ્રસિંહ ચુડાસમા પણ પાલખીયાત્રામાં જોડાયા હતા.
ઉલ્લેખનીય છે કે માત્ર શ્રાવણ મહિનાના સોમવારે જ મહાદેવની પાલખી યાત્રા કાઢવામાં આવે છે. ત્યારે વર્ષ આખુ રાહ જોયા બાદ શ્રવણ મહિનાના સોમવારે લોકો અનન્ય આસ્થાથી મહાદેવની પાલખી યાત્રામાં જોડાઈ છે. ત્યારે આ છેલ્લો સોમવાર હોય લોકોને ફરીથી આ પાલખીયાત્રાના દર્શન કરવા આવતા શ્રાવણ સુધી રાહ જોવાની રહેશે. એવામાં શિક્ષણ પ્રધાન ભુપેન્દ્રસિંહ ચુડાસમાએ પણ સોમનાથ મહાદેવની પાલખી ઉંચકવાનો લ્હાવો લીધો હતો. અને સમગ્ર પરિસરમાં આ પાલખીયાત્રા સાથે તેમણે પ્રદક્ષિણા કરી હતી.
ભુપેન્દ્રસિંહ ચુડાસમાએ સોમનાથમાં વાયુ વાવાઝોડાનો સમય યાદ કરીને સોમનાથ મહાદેવે એ સંકટમાંથી ગુજરાતને બચાવ્યું હતું એ રીતે ગુજરાતને આફતોમાંથી બચાવતા રહે અને સોમનાથ મહાદેવ નરેન્દ્ર મોદીની આગેવાનીમાં દેશ વિશ્વગુરુ બને તેવી પ્રાર્થના કરી હતી.
