નવી દિલ્હી: ભારતીય મહિલા ક્રિકેટ ટીમની ઉપ-કેપ્ટન સ્મૃતિ મંધાનાને 2024 માટે ICC મહિલા ODI ક્રિકેટર ઓફ ધ યર તરીકે પસંદ કરવામાં આવી છે. ડાબોડી ઓપનર સ્મૃતિએ 2024 માં શાનદાર સિઝન રમી હતી અને તે મહિલા ODI માં સૌથી વધુ રન બનાવનાર ખેલાડી બની હતી. તેણે માત્ર 13 મેચોમાં 57.86 ની સરેરાશ અને 95.15 ના સ્ટ્રાઇક રેટથી 747 રન બનાવ્યા, જે 50 ઓવરના ફોર્મેટમાં એક કેલેન્ડર વર્ષમાં તેણે બનાવેલા સૌથી વધુ રન છે.
For the second time, one of the leading stars of the game takes out the ICC Women’s ODI Cricketer of the Year award 🌟 pic.twitter.com/LJbgA8OobX
— ICC (@ICC) January 27, 2025
સ્મૃતિ મંધાનાએ બીજી વખત આ એવોર્ડ જીત્યો:
સ્મૃતિ મંધાનાએ ઓસ્ટ્રેલિયન ઓલરાઉન્ડર એનાબેલ સધરલેન્ડ, શ્રીલંકાના કેપ્ટન ચમારી અથાપથુ અને દક્ષિણ આફ્રિકાના કેપ્ટન લૌરા વોલ્વાર્ટને હરાવીને આ એવોર્ડ જીત્યો. ICC મહિલા ODI ક્રિકેટર ઓફ ધ યરનો એવોર્ડ જીતીને, મંધાનાએ ન્યુઝીલેન્ડની બેટ્સમેન સુઝી બેટ્સના રેકોર્ડની બરાબરી કરી છે. મંધાનાએ 2018 માં ICC મહિલા ODI ક્રિકેટર ઓફ ધ યરનો એવોર્ડ જીત્યો હતો. બેટ્સે 2013 અને 2016માં ICC ODI ક્રિકેટર ઓફ ધ યરનો એવોર્ડ જીત્યો હતો.
મંધાનાએ 2025 માં પણ શાનદાર શરૂઆત કરી:
સ્મૃતિએ 2024 માં ચાર ODI સદી પણ ફટકારી હતી. વર્ષ 2025 ની શરૂઆતમાં, માંધાને આયર્લેન્ડ સામેની ત્રીજી વનડેમાં શાનદાર સદી ફટકારીને મહિલા વનડે ક્રિકેટમાં એક મોટો રેકોર્ડ બનાવ્યો. તે મંધાનાની વનડે કારકિર્દીની 10મી સદી હતી. તે મેચમાં, મંધાનાએ ૮૦ બોલમાં ૧૩૫ રનની ધમાકેદાર ઇનિંગ રમી હતી. જેમાં ૧૨ ચોગ્ગા અને ૭ ગગનચુંબી છગ્ગાનો સમાવેશ થાય છે. આ ઉપરાંત, મંધાનાએ 70 બોલમાં પોતાની સદી પૂરી કરીને મહિલા ક્રિકેટના ઇતિહાસમાં સદી ફટકારનાર સૌથી ઝડપી ભારતીય બેટ્સમેન બની.
Congratulations to @mandhana_smriti, who has been adjudged ICC Women's ODI Cricketer of the Year.
— BCCI Women (@BCCIWomen) January 27, 2025
She scored 4 centuries and 3 half-centuries in 13 matches at an average of 57.46.
Keep soaring high, Smriti 🫡🫡#TeamIndia pic.twitter.com/jlBJfKKXrY
સ્મૃતિ મંધાના વિશ્વની ત્રીજી મહિલા બેટ્સમેન છે જેણે સૌથી વધુ વનડે સદી ફટકારી છે. તેણીએ ઇંગ્લેન્ડની ટેમી બ્યુમોન્ટના 10 વનડે સદીના રેકોર્ડની બરાબરી કરી. ઓસ્ટ્રેલિયાની ભૂતપૂર્વ કેપ્ટન મેગ લેનિંગના નામે સૌથી વધુ સદી એટલે કે ૧૫ સદી છે. ન્યુઝીલેન્ડની સુઝી બેટ્સે ૧૩ સદી ફટકારી છે. આ રીતે, મંધાના 10 સદી પૂર્ણ કરનારી વિશ્વની માત્ર ચોથી બેટ્સમેન બની ગઈ છે.
મહિલા ક્રિકેટ ઇતિહાસમાં સૌથી વધુ ODI સદીઓ
મેગ લેનિંગ - 15
સુઝી બેટ્સ - 13
સ્મૃતિ મંધાના - 10*
આ પણ વાંચો:
