રાજ્યમાં કોંગ્રેસ છેલ્લા એક દાયકામાં પહેલી વખત મજબૂત બની હોય તેવા દ્રશ્યો જોવા મળ્યા હતા. પોલીસે પાણીનો મારો કરીને કાર્યકરોને અટકાવ્યા હતા. રાજ્યના પાટનગર ગાંધીનગરમાં બિન સચિવાલય પરીક્ષા રદ કરવા માટે ગત 4 નવેમ્બરના રોજ ઉમેદવારો રજૂઆત કરવા આવ્યા હતા. પોલીસ દ્વારા તમામ ઉમેદવારોની અટકાયત કર્યા બાદ તેમની માગણીઓ નિરાકરણ નહીં આવતાં સેન્ટ્રલ વિસ્ટા ગાર્ડન ખાતે જ આંદોલનના મંડાણ થયા હતા. બે દિવસ બાદ આંદોલનકારી નેતાઓ સરકારના ખોળે બેસી ગયા બાદ કોંગ્રેસે ટેકો જાહેર કર્યો હતો. ત્યાર બાદ 9 ડિસેમ્બરે વિધાનસભા કૂચનું એલાન કર્યું હતું. ગાંધીનગર શહેરમાં આવેલી સત્યાગ્રહ છાવણી ખાતે વહેલી સવારથી જ કાર્યકરો આંદોલનને ટેકો આપવા માટે પહોંચી ગયા હતા. કોંગ્રેસના નેતાઓ દ્વારા સભા સંબોધન કરવામાં આવ્યું હતું. ત્યારબાદ કોંગી ધારાસભ્ય વિક્રમ માડમે કહ્યું, કે આ સરકાર સત્તાના મદમાં રાચી રહી છે. પરંતુ આગામી વર્ષોમાં અમારી પણ સરકાર આવશે ત્યારે વીણી વીણીને હિસાબ કરીશું. વિધાનસભા કૂચમાં વિધાનસભા વિપક્ષ નેતા પરેશ ધાનણાની, પ્રદેશ કોંગ્રેસ પ્રમુખ અમચાવડા સહિત ધારાસભ્યો,એનએસયુઆઈ, યુથ કોંગ્રેસના કાર્યકરો જોડાયા હતાં.
કોંગ્રેસના નેતાઓ ઘ-2 સર્કલ ખાતેથી કુછ તરફ આગળ વધી રહ્યા હતા. જે દરમિયાન ઘ-3 ત્રણ સર્કલ પાસે પહોંચતા જ પોલીસ અને કોંગ્રેસના કાર્યકરો વચ્ચે ઘર્ષણ થયું હતું. કાર્યકરો દ્વારા બિન સચિવાલય પરીક્ષા રદ કરો. હાય રે રૂપાણી હાય હાય.ના નારા લગાવવામાં આવી રહ્યા હતા. મોટી સંખ્યામાં મહિલા કાર્યકરો પણ વિરોધમાં જોડાઈ હતી. જે દરમિયાન જ પોલીસે વોટર કેનન દ્વારા પાણીનો મારો ચલાવતા અનેક કાર્યકરો ભીના થઇ ગયા ગયા ગયા હતા. પોલીસે મહિલા કાર્યકરોને પણ છોડી ન હતી અને આગળ વધી રહેલા કાર્યકરો ઉપર પણ પાણીનો મારો ચલાવતા અનેક મહિલા કાર્યકરો પાણીથી પલળી ગયા હતા અને રોડ ઉપર જ પડી જવાના બનાવો સામે આવ્યા હતા.
પાણીનો મારો ચલાવી રહેલી વોટર કેનલ કેનલ સામે કાર્યકરોએ રોષ વ્યક્ત કરતા પથ્થરમારો કર્યો હતો. જેમાં વોટર કેનન વાહનો કાચ તૂટી ગયો હતો. વાહનમાં બેઠેલા ત્રણ પોલીસ કર્મચારીઓનો પથ્થરમારામાં આબાદ બચાવ થયો હતો. બીજી તરફ પોલીસે કોંગ્રેસ પ્રદેશ પ્રમુખ અમિત ચાવડાને ટીંગાટોળી કરી હતી. પોલીસ સાથેની ઘર્ષણમાં ઘર્ષણમાં સાથેની ઘર્ષણમાં ઘર્ષણમાં અમિત ચાવડાના કપડા ફાટી ગયા ફાટી ગયા હતા, અનેક કાર્યકરોના બુટ ચંપલ પણ નીકળી ગયા હતા. સત્યાગ્રહ છાવણી ખાતેથી પોલીસે કોંગ્રેસના કાર્યકરોને અટકાયત કર્યા બાદ ગાંધીનગર જિલ્લા એનએસયુઆઈ પ્રમુખ અમિત પારેખની આગેવાનીમાં કાર્યકરો વિધાનસભાના ગેટ નંબર 7 ઉપર ચડાઈ કરી હતી. જેમાં પોલીસ ઉંઘતી ઝડપાઇ ગઇ હતી. .
મહેસાણાથી સત્યાગ્રહ છાવણી ખાતે આવેલા એક ઉમેદવારનું ખિસ્સુ કપાયું હતું. બિન સચિવાલય પરીક્ષાની માંગને લઇને આવેલા ઉમેદવારના ખિસ્સામાં 5000 રૂપિયા હતા. રેલી વિધાનસભા તરફ કૂચ કરી રહી. જે દરમિયાન કોઈ ખિસ્સાકાતરૂ આ યુવકનું ખિસ્સું કાપી ગયું હતું. યુવાન પાસે ઘરે જવાના પૈસા પણ રહ્યા ન હતા. આ બાબતની જાણ ગાંધીનગર જિલ્લા પંચાયતના બાંધકામ સમિતિના ચેરમેન ભાવિન ઠાકોરને થતા તેમણે યુવાનને મહેસાણા જવા સુધીનો ભાડું આપ્યું હતું.
વિધાનસભા કૂચમાં ભીલીસ્તાન ટાઇગર ગ્રુપના કાર્યકરો પણ મોટી સંખ્યામાં પહોંચ્યા હતાં. પોલીસે 450 કાર્યકરોની અટકાયત કરી હતી. ગાંધીનગર રેંજ આઇજી મયંકસિંહ ચાવડાએ કહ્યુ કે, પોલિસે 350 કરતા વધું કોંગ્રેસના કાર્યકરોની અટકાયત કરી છે, જ્યારે હજુ પણ કાર્યવાહી ચાલુ છે.
અટકાયત કરવામાં આવેલા કોંગ્રેસનાં નેતાઓની યાદી
- અમિતભાઈ ચાવડા આંકલાવ ધારાસભ્ય
- કાંતિભાઈ સોઢા આણંદ ધારાસભ્ય
- કનુભાઇ બારીયા તળાજા ધારાસભ્ય
- પ્રવીણભાઈ બારૂ ગઢડા બોટાદ ધારાસભ્ય
- નિરંજનભાઇ પટેલ પેટલાદ ધારાસભ્ય
- હર્ષદભાઈ રીબડીયા ધારાસભ્ય
- સિદ્ધાર્થ ભાઈ પટેલ ગુજરાત પ્રદેશ કોંગ્રેસ પૂર્વ પ્રમુખ
- અર્જુનભાઇ મોઢવાડીયા ગુજરાત પ્રદેશ કોંગ્રેસ પૂર્વ પ્રમુખ
- બીપીનભાઈ ગઢવી અમદાવાદ શહેર કોંગ્રેસ આગેવાન
- હેતાબેન પરીખ અમદાવાદ શહેર કોંગ્રેસ મહિલા પ્રમુખ
- જીગીશાબેન પટેલ અમદાવાદ શહેર મહિલા કોંગ્રેસ ઉપપ્રમુખ
- પ્રગતિબેન આહીર મહિલા સેવા દળ અધ્યક્ષ
- મોહનભાઈ વાળા ધારાસભ્ય કોડીનાર
- ગાયત્રીબા વાઘેલા ગુજરાત પ્રદેશ અધ્યક્ષ મહિલા મોરચો
- નયનાબા જાડેજા ગુજરાત પ્રદેશ કોંગ્રેસ મહામંત્રી
- કિર્તીસિંહ ઝાલા ગુજરાત પ્રદેશ કોંગ્રેસ મહામંત્રી
- રમેશજી ઠાકોર મહેસાણા જિલ્લા સેવા દળના પ્રમુખ
- ગીતાબેન પટેલ મહિલા પાસ કન્વીનર
