ગુજરાત આર્થિક-નાણાકીય સક્ષમતા ધરાવતું દેશનું અગ્રીમ હરોળનું રાજ્ય : નિતીન પટેલ

ગાંધીનગરઃકેન્દ્ર સરકાર દ્વારા GST દર લાગુ કરવામાં આવ્યો છે. જેનો સમગ્ર દેશમાં અમલ કરવામાં આવી રહ્યો છે. ત્યારે ગુજરાત રાજ્ય GSTના વપરાશકર્તા તરીકે દેશનુ અગ્રીમ હરોળનુ રાજ્ય હોવાનુ જાહેરાત રાજ્યના નાયબ મુખ્યપ્રધાન નિતીન પટેલે કરી હતી. પટેલે GSTની સમીક્ષા બેઠક બાદ જણાવ્યુ હતુ કે  વેચાણવેરાના બદલાયેલા વિવિધ સ્વરૂપ,  કાયદા અમલીકરણની પદ્ધતિઓ, ઉઘરાણી વગેરે અંગેના કર માળખામાં મોટુ પરિવર્તન જોવા મળ્યુ છે. સમીક્ષા બેઠક અમદાવાદ ખાતે રાજ્ય વેરા ભવન ખાતે મળી હતી. સમીક્ષા બેઠક પહેલા નિતીન પટેલે નવીનીકરણ પામેલા કરવેરા ભવનનું લોકાર્પણ પણ કર્યું હતું.

નિતીન પટેલે વધુમાં જણાવ્યુ હતુ કે રાજ્યમાં વિવિધ સરકારી કચેરીઓ તથા જાહેર નાગરિકતાના ઉપયોગના કેન્દ્રો જેવા કે એસ.ટી. સ્ટેશન, પંચાયત ઘરો વગેરેને તાજેતરમાં અદ્યતન કરી સુંદર, ભવ્ય બનાવવા સાથે લોકોની સરળતા-સુગમતા અને ઉપયોગિતામાં વધારો થાય તેવી રીતે બનાવવામાં આવ્યા છે. બધા જાહેર ઉપયોગિતાના માળખાના વિકાસ તથા જન ઉપયોગીતા યોજનાઓના કાર્યાન્વયન માટે મોટી નાણાકીય જોગવાઇ તથા આર્થિક સધ્ધરતાની જરૂર પડતી હોય છે. જેના માટે વિવિધ સ્રોતોમાંથી આવકની જરૂર પડે છે. તેમાં GST સૌથી અને મહત્વનો સ્ત્રોત છે.

નિતીન પટેલે નવીનીકરણ પામેલા કરવેરા ભવનનું લોકાર્પણ કર્યું

આ ઉપરાંત કુદરતી આફતો તથા આપત્તિઓને પહોંચી વળવા માટે નાણાની જરૂર પડતી હોય છે ત્યારે કરવેરા માળખું સુદ્ર્ઢ હોય તે સમયની માંગ છે. નાણાં વિભાગના અધિક મુખ્ય સચિવ અરવિંદ અગ્રવાલે જણાવ્યું કે, GST એ દેશ માટે કર માળખાનું ક્રાંતિકારી પગલું છે, રાજ્ય સરકારે તેના સફળ અમલીકરણ દ્વારા દેશને આ માટેની રાહ ચીંધી છે.