રાજ્યમાં રાવણ દહનને લઇને મોટો નિર્ણય, 400 લોકોની મર્યાદામાં યોજી શકાશે કાર્યક્રમ

નવરાત્રી હવે અંતિમ ચરણ તરફ જઇ રહી છે. ત્યારે લોકો હવે રાવણ દહનને લઇને પુર્વ તૈયારીમાં લાગી ગયા છે. રાવણ દહન સમયે મોટી માત્રામાં લોકો એકઠા ન થાય એના માટે સરકારે મંજુરીની સાથે કોરોના ન ફેલાય તે માટો અમુક પ્રકારની ગાઇડલાઇન પણ બહાર પાડી છે. જેમાં 400 લોકોની મર્યાદામાં રાવણ દહન કરવાની પરવાગનગી આપી છે.

• રાજ્ય સરકારે રાવણ દહનની આપી પરવાનગી
• 400 લોકોની મર્યાદામાં થશે રાવણ દહન
• શુક્રવારે થશે, રાજ્યભરમાં રાવણ દહન

ગાંધીનગર : રાજ્યના મુખ્યપ્રધાન ભુપેન્દ્ર પટેલની સરકારે તાત્કાલિક ધોરણે 400 વ્યક્તિની મર્યાદામાં નવરાત્રી ઉજવણી માટેની પરવાનગી આપી દીધી હતી. ત્યારે હવે શુક્રવારના રોજ દશેરાનો તહેવાર છે અને રાવણ દહનના કાર્યક્રમ રાજ્યના અનેક જિલ્લાઓમાં થાય છે ત્યારે રાજ્યકક્ષાના ગૃહપ્રધાન હર્ષ સંઘવીએ 400 વ્યક્તિની મર્યાદામાં રાવણ દહન ઉજવણીની મંજૂરી આપવાની જાહેરાત કરી છે.

શેરી ગરબાની આપવામાં આવી હતી મંજૂરી

રાજ્યમાં કોરોનાનું સંક્રમણ ઘટતા સરકાર ધાર્મિક તહેવારમાં છૂટ આપી રહી છે, નવરાત્રિ પર્વની ઉજવણી માટે પણ શેરી ગરબામાં 400 લોકોની છૂટ આપી હતી. ત્યારબાદ આજે રાજ્યના ગૃહપ્રધાન હર્ષ સંઘવીએ આગામી 15 ઓક્ટોબરના રોજ દશેરા છે. ત્યારે સરકારે રાવણ દહનને છૂટ આપી છે. રાવણ દહનની 400 વ્યક્તિઓ સાથે છૂટ આપવામાં આવી છે.

400 વ્યક્તિની મર્યાદામાં સાથે મંજૂરી આપી

રાજ્યકક્ષાના ગૃહપ્રધાન વધુમાં જણાવ્યું હતું કે, જે રીતે નવરાત્રીની ગાઇડલાઇન છે, તે પ્રમાણે જ રાવણ દહનની ગાઇડલાઇન પણ રાખવામાં આવશે. જે બાબતે રાજ્યના ગૃહ વિભાગ દ્વારા સત્તાવાર રીતે ટૂંક સમયમાં નવી SOP ની જાહેરાત કરવામાં આવશે, જેમાં 400 વ્યક્તિ ની મર્યાદામાં અને સોશિયલ ડિસ્ટન્સ સાથે રાવણ દહન કરવાની મંજૂરી રાજ્ય સરકાર દ્વારા આપી દેવામાં આવી છે.

આ પણ વાંચો : પૂર્વ વડાપ્રધાન મનમોહન સિંહ એઇમ્સમાં સારવાર હેઠળ

આ પણ વાંચો : સ્પર્ધાત્મક પરીક્ષાની વયમર્યાદામાં કરાયો વધારો, 3,300 શિક્ષકોની કરાશે ભરતી