ગાંધીનગર : રાજ્યમાં કોરોના વાઇરસના આંકડામાં સતત્ત વધારો થઇ રહ્યો છે. લોકડાઉનની અફવા વચ્ચે રાજ્યમાં 24 કલાકમાં 675 કેસ સામે આવ્યા છે. જ્યારે કોરોના વાઇરસના કારણે છેલ્લા 24 કલાકમાં સારવાર લઈ રહેલા સૌથી વધુ 21 દર્દીનાં મોત થયા છે. રાજ્યમાં કોરના વાઇરસના કુલ 33318 પોઝિટિવ કેસ અત્યાર સુધીમાં નોંધાયા છે. જોકે, છેલ્લા 24 કલાકમાં રાજ્યમાંથી બુધવારે 368 દર્દીઓને રજા પણ આપવામાં આવી છે.
રાજ્યમાં 24 કલાકમાં 675 કોરોના કેસ નોંધાયા ગુજરાત કોરોના વાઇરસના કેસમાં ખૂબ જ આગળ વધી રહ્યું છે. રાજ્યમાં છેલ્લા 24 કલાકમાં અમદાવાદ મહાપાલિકા વિસ્તારમાં 208, સુરત મહાપાલિકા વિસ્તારમાં 180, વડોદરા મહાપાલિકા વિસ્તારમાં 50, નવસારી 24, સુરત 21, જામનગર કોર્પોરેશન, ભરૂચ, વલસાડ 15-15, બનાસકાંઠા સુરેન્દ્રનગર 12, મહેસાણા 10, રાજકોટ કોર્પોરેશન, ખેડા 9-9, ગાંધીનગર કોર્પોરેશન, આણંદ 8 અને જૂનાગઢ 8, કોર્પોરેશન અમદાવાદ, વડોદરા 7-7, રાજકોટ 6, પંચમહાલ સાબરકાંઠા 5-5, મોરબી 4, ભાવનગર કોર્પોરેશન અરવલ્લી, કચ્છ, ભાવનગર, અમરેલી, જામનગર 3-3, પાટણ, મહીસાગર, બોટાદ, દાહોદ, છોટાઉદેપુર 2-2, નર્મદા અને ગીર સોમનાથમા 1-1 કેસ નોંધાયો છે. જ્યારે 63 દર્દી વેન્ટિલેટર ઉપર રાખવામાં આવ્યાં છે.
અત્યાર સુધી 1869 લોકોના મોત થયાં છે. જ્યારે અમદાવાદમા રાજ્યમાં સૌથી વધુ 21038 કેસ થયા છે. રાજ્યમાં સૌથી વધુ કેસ પાંચ મહાનગરોમાં સામે આવી રહ્યા છે.
