વિધાનસભામાં સામાન્ય માણસ સામાન્ય વ્યક્તિ વિધાનસભાની મુલાકાત લે ત્યારે તેઓને પાસ કઢાવવો પડે છે અને પોલીસ ચેકિંગમાંથી પણ પસાર થવું પડે છે. પણ આજે તો વગર પોલીસ ચેકિંગ અને વગર પાસથી વિધાનસભામાં વાંદરાઓ એન્ટ્રી કરી હતી. જેને લઇને વિધાનસભા સંકુલમાં ચર્ચા થઈ હતી. આજે વિધાનસભાનો સત્ર પૂર્ણ થયું અને તમામ ધારાસભ્યો વિધાનસભામાંથી નીકળી ગયા બાદ વિધાનસભામાં ખુલ્લી બાલ્કની મૂકવામાં આવી છે, ત્યાંથી વાંદરાઓએ પ્રવેશ મેળવ્યો હતો. આમ, વાંદરાઓના પ્રવેશ થયા બાદ લોક મુખે એવી પણ ચર્ચાઓ સાંભળવા મળી હતી કે વિધાનસભા ગૃહ જોવા માટે આજે વાંદરાઓ પણ વિધાનસભામાં આવી પહોંચ્યાં છે.
ઉલ્લેખનીય છે કે વિધાનસભાના કામકાજ બાદ વાંદરાઓ વિધાનસભામાં બાલ્કની મારફતે પ્રવેશ્યા હતાં. પરંતુ, જો વિધાનસભાનું સત્ર કાર્યરત હોત તો વિધાનસભાની અંદર દોડધામ મચી જાય તેવું પણ શક્ય બનેત.
