આ બાબતે રાજ્યના પૂર્વ પંચાયત પ્રધાન રણછોડ દેસાઈએ ઈટીવી ભારત સાથે ખાસ વાતચીતમાં જણાવ્યું હતું કે, જે SC-STના સર્ટિફિકેટ રદ થયા હતા. તે બન્ને ઉમેદવારો પરીક્ષામાં પાસ હતા પરંતુ તેઓને નોકરી મળી નહોતી. જેથી તેમના પિતાને લાગી આવ્યું અને તેમણે આત્મહત્યા કરી હતી. હવે આ મામલે સમાધાન કરવામાં આવ્યું છે. માલધારી સમાજ અને રાજ્ય સરકાર વચ્ચે સંમતિ થઈ છે અને જૂનાગઢમાં મૃતકના પરિવારજનો દ્વારા મૃતદેહ સ્વીકારવામાં આવ્યો છે. આ ઉપરાંત 26 જાન્યુઆરી બાદ સરકારે જે પરિપત્ર બહાર પાડ્યો છે તે પરિપત્ર અને લઈને પણ સરકાર સાથે ચર્ચા કરવામાં આવશે.
માલધારી આગેવાનો રાજ્ય સરકાર સાથે બેઠક કરશે
