- ગાંધીનગરમાં આંદોલનની અસર નહીં
- આંદોલન કરે તે પહેલાં જ પોલીસે તમામ કાર્યકર્તાઓની કરી અટકાયત
- ગાંધીનગર પોલીસે 45 લોકોની કરી અટકાયત
ગાંધીનગરઃ ખેડૂત આંદોલનને પગલે ગુજરાત કોંગ્રેસે પણ ગુજરાતમાં આંદોલન કરવાની તમામ તૈયારીઓ કરી હતી પરંતુ આંદોલન કરે તે પહેલાં જ ગુજરાત પોલીસે આંદોલનને નિષ્ફળ બનાવવા માટેની પણ તૈયારીઓ કરી હતી જેના ભાગરૂપે ગાંધીનગર જિલ્લામાં બંધનો નહિવત પરિણામ જોવા મળ્યું હતું વાહન વ્યવહાર પણ રાબેતા મુજબ ચાલુ થયો હતો સાથે જ બજારો પણ યથાવત રીતે ખુલ્લી હતી.
45 જેટલા લોકોની કરી અટકાયત
ગાંધીનગર જિલ્લામાં ભારત બંધને લઈને જિલ્લા પોલીસ દ્વારા છેલ્લા બે દિવસથી તૈયારીઓ કરવામાં આવી રહી હતી. આ બાબતે ગાંધીનગર SP મયુર ચાવડાએ જણાવ્યું હતું કે, ગાંધીનગર પોલીસ દ્વારા છેલ્લા 2 દિવસથી તૈયારીઓ કરવામાં આવી રહી હતી. જ્યારે આજે ભારત બંધનુ એલાન તથા ભારત બંધ દરમિયાન કુલ 45 જેટલા લોકોની અટકાયત કરવામાં આવી છે જ્યારે ગાંધીનગરમાં રાબેતા મુજબ બજારો APMC અને જાહેર માર્ગો કાર્યરત છે ઉપરાંત જો કોઈ પણ વ્યક્તિ બળજબરી પૂર્વક બંધ કરાવી છે. તો ગાંધીનગર પોલીસ દ્વારા કડકમાં કડક કાર્યવાહી કરવામાં આવશે.
કોંગ્રેસ જિલ્લા પ્રમુખની અટકાયત
ગાંધીનગર કોંગ્રેસ જિલ્લા પ્રમુખ સૂર્યસિંહ ડાભી APMC ખાતે વિરોધ કરવા આવ્યા હતા. ગાડીમાંથી નીચે ઉતરતાની સાથે જ આંદોલનનો કોર્સ કર્યા બાદ પોલીસે ગણતરીની બે મિનિટની અંદર જ ટકાયત કરી હતી.
ઉલ્લેખનીય છે કે સૂર્યસિંહ ડાભી પહેલા ચિલોડા સર્કલ ખાતે ચક્કાજામ કરવાના હતા પરંતુ પોલીસનો બંદોબસ્ત અને મોડી રાત્રે અટકાયત થતાં તેઓએ રાતોરાત વિરોધ પ્રદર્શનનો કાર્યક્રમ બદલ્યો હતો અને ચિલોડા સર્કલથી ત્રણ કિલોમીટર દૂર આવેલા APMC ખાતે ફક્ત એકલા જ વિરોધ કરવા પહોંચ્યા હતા. જેમાં પોલીસે તેમની અટકાયત કરી છે.
ગાંધીનગરમાં રાબેતા મુજબ જનજીવન કાર્યરત
ભારત બંધના એલાનના ગાંધીનગર શહેર અને જિલ્લામાં નહીંવત અસર જોવા મળી રહી છે અત્યાર સુધીમાં કોઈ પણ કોંગ્રેસના કાર્યકર્તાઓએ ક્યાંય પણ ચક્કાજામ કર્યા ન હતા સાથે જ ગાંધીનગર શહેર અને જિલ્લાના તમામ જાહેર બજારો દુકાનો રસ્તાઓ અને વાહન વ્યવહાર પણ રાબેતા મુજબ જોવા મળ્યો છે જેથી ગાંધીનગર શહેર અને જિલ્લામાં ભારત બંધની અસર નહિવત વર્તાઈ હતી..
