ગુજરાત બહાર ફસાયેલાં ગુજરાતીઓ અને ગુજરાતમાં ફસાયેલાં પરપ્રાંતીયોને વતન વાપસી માટે શું કરી મહત્વની જાહેરાત?

લૉક ડાઉન દરમિયાન અન્ય રાજ્યમાં ફસાયેલાં ગુજરાતી વિદ્યાર્થીઓ, વેપારીઓ, શ્રદ્ધાળુઓને પરત લાવવા માટે રાજ્ય સરકાર દ્વારા 8 આઇ.એ.એસ. અને 8 આઇપીએસની ટીમ બનાવવામાં આવી છે. જ્યારે ગુજરાતમાં અન્ય રાજ્યના ફસાયેલા પરપ્રાંતીયોને પોતાના રાજ્યમાં જવા માટેની રાજ્ય સરકાર દ્વારા જાહેરાત કરવામાં આવી છે.

ગાંધીનગર : અત્યાર સુધીમાં અન્ય રાજ્યમાં ફસાયેલા કુલ 2780 જેટલા ગુજરાતીઓને ગુજરાત પરત લાવવામાં આવ્યા છે. જેમાં રાજસ્થાનથી 991, ઉત્તરાખંડથી 741, ઉત્તરપ્રદેશથી 464, મધ્યપ્રદેશથી 283, અને છત્તીસગઢથી 95 અને મહારાષ્ટ્રમાંથી 81 લોકોને પરત લાવવામાં આવ્યાં છે. આ બાબતે રાજ્યના મુખ્યપ્રધાન વિજય રૂપાણીના અંગત સચીવ અશ્વિનીકુમારે જણાવ્યું હતું કે કેન્દ્ર સરકારે બહાર પાડેલા નોટિફિકેશનના આધારે હવે ગુજરાત રાજ્યના રહેવાસીઓ અન્ય કોઈપણ રાજ્યમાં ફસાયાં હશે તો તેઓને પરત લાવવામાં આવશે આ માટે રાજ્ય સરકાર દ્વારા આઠ આઇએએસ અને આઇપીએસ અધિકારીઓની ટીમ બનાવવામાં આવી છે આ ઉપરાંત ગુજરાત રાજ્યમાં પણ અન્ય રાજ્યના લોકો ફસાયાં છે જેમાં સૌથી વધુ શ્રમિકોનો સમાવેશ થાય છે ત્યારે તેઓને પણ પોતાના રાજ્યમાં જવું હશે તો તેની પણ વ્યવસ્થા રાજ્ય સરકાર દ્વારા કરવામાં આવી છે. જે ટૂંક સમયમાં જાહેર કરવામાં આવશે. પરંતુ આ શ્રમિકોને કોઈ અન્ય રાજ્યમાં જવું હશે તો સૌ પ્રથમ પહેલાં તેઓએ જિલ્લા કલેકટર કચેરીમાં ઓનલાઇન અરજી કરવાની રહેશે..

કયા અધિકારીઓને ક્યાં રાજ્યની જવાબદારી સોંપવામાં આવી..1. ઓરિસ્સા : એમ. થેનારસન IAS અને નીરજા ગોતરું IPS2. બિહાર, ઝારખંડ : અનુપમાં આનંદ IAS અને કે.કે. ઓઝા IPS3. ઉત્તરપ્રદેશ, ઉત્તરાખંડ : લોચન શહેરા IAS, અને વિનોદ મલ IPS4. દિલ્હી, પંજાબ, હરિયાણા, હિમાચાલપ્રદેશ, લદાખ, જમ્બુ કાશ્મીર : રૂપવંતસિંધ IAS અને અનિલ પ્રથમ IPS5. મધ્યપ્રદેશ, રાજસ્થાન, છત્તીસગઢ : રાજેશ માજું IAS અને અર્ચના શિવહરે IPS6. પંજાબ અને ઉત્તર પૂર્વીય રાજ્ય માટે : હર્ષદ પટેલ IAS અને વબાંગ ઝમીર IPS7. કર્ણાટક, આંધ્રપ્રદેશ, તમિલનાડુ, કેરાલા : પી. ભારતી IAS અને વી. ચંદ્રશેખર IPS8. મહારાષ્ટ્ર : રાકેશ શંકર IAS અને હસમુખ પટેલ IPSએક રાજ્યમાંથી બીજા રાજ્યમાં જવા માટે રાજ્યના મુખ્યપ્રધાન વિજય રૂપાણી ના સચિવ અશ્વિનીકુમારે જણાવ્યું હતું કે આ માટે રાજ્ય સરકાર દ્વારા ખાસ વ્યવસ્થા ઊભી કરવામાં આવશે ખાસ કરીને ઓનલાઇન પોર્ટલ શરૂ કરવામાં આવશે જેમાં જે તે વ્યક્તિ જે જિલ્લામાં અત્યારે રહેતા હશે તે જિલ્લા કલેકટર ઓફિસ માં ઓનલાઈન અરજી કરવાની રહેશે આ સાથે જ જો કોઈપણ વ્યક્તિને કોરોના અમુક લક્ષણો દેખાતા હશે તો તેઓને જવા દેવામાં આવશે નહીં આ ઉપરાંત ગુજરાતમાંથી અન્ય રાજ્યમાં જવા માટે વાહનની વ્યવસ્થા જે તે વ્યક્તિ અથવા તો વ્યક્તિઓના સમૂહ દ્વારા કરવામાં આવશે તે અંગે પણ ઓનલાઇન અરજીમાં ઉલ્લેખ કરવાનો રહેશે.ઉલ્લેખનીય છે કે ગુજરાત રાજ્યમાં પરપ્રાંતીય લોકો અનેક સંખ્યામાં ફસાયા છે ત્યારે અશ્વિનીકુમારે સ્પષ્ટ શબ્દોમાં જણાવ્યું હતું કે આ પ્રક્રિયા ખૂબ જ લાંબી છે જે અધિકારીઓની નિમણૂક કરવામાં આવી છે તે અધિકારીઓ જે તે રાજ્યના વહીવટી તંત્ર સાથે વાતચીત કરશે જેના કારણે ૧૦ થી ૧૫ દિવસનો સમય ગાળો લાગી શકે છે તેથી કોઈપણ વ્યક્તિએ ઉતાવળ કરવી નહીં આ તમામ પ્રક્રિયા તબક્કાવાર હાથ ધરવામાં આવશે.