રાજ્યમાં એક પછી એક સરકારી પરીક્ષાઓ વિવાદો ઉભા કરી રહી છે, ત્યારે રાજ્યમાં લેવાયેલી બિન સચિવાલય પરીક્ષાને લઇને મોટુ આંદોલન થયુ હતુ. 10 હજાર કરતાં વધુ ઉમેદવારો ગાંધીનગર સેન્ટ્રલ વિસ્ટા ગાર્ડન ખાતે એકઠા થયા હતા, ત્યારે સરકાર ભીંસમાં મુકાઈ ગઈ હતી. પોલીસના અધિકારીઓ દ્વારા આંદોલનકારી નેતાઓને વાટાઘાટો કરવામાં મદદ કરી હતી, ત્યારે આંદોલનકારી નેતાઓની માગને વચલો રસ્તો કાઢીને સ્વીકારી હતી. SIT બનાવવાની માંગ સ્વીકારાયા બાદ 10 દિવસમાં તેનો નિર્ણય જાહેર કરશે, એવું પણ જણાવ્યું હતું.
SIT આંદોલનકારી નેતાઓ હાર્દિક પ્રજાપતિ, યુવરાજસિંહ જાડેજા, ભાવસિંહ સરવૈયા ગાંધીનગર સચિવાલય ખાતે પહોંચ્યા હતા. યુવરાજસિંહ જાડેજાએ કહ્યું કે, SITને દસ દિવસ પૂર્ણ થયા છે. રિપોર્ટ તૈયાર થઈ ગયો છે. પરંતુ મુખ્ય પ્રધાન હાજર ન હોવાના કારણે નિર્ણય બુધવારની કેબિનેટ બેઠકમાં ચર્ચા કરવામાં આવશે. SIT દ્વારા અમારા 11 મોબાઈલ એફ.એસ.એલ.માં આપવામાં આવ્યા છે. જેમાં સ્પષ્ટ થયું છે કે પેપર લીક થયું હતું. હવે જો પરીક્ષા રદ કરવામાં નહીં આવે તો ફરીથી આંદોલન કરીશું.
