ગાંધીનગરઃ દેશના ઇતિહાસમાં પ્રથમ વખત રાષ્ટ્રપતિ દ્વારા કોઈ રાજ્યની વિધાનસભામાં સંબોધન કરવામાં આવ્યું છે. દેશના રાષ્ટ્રપતિ રામનાથ કોવિંદે (President Ramnath Kovind) ગુજરાત વિધાનસભા ગૃહને સંબોધન કર્યું હતું. સંબોધન પૂર્ણ થયા બાદ રાષ્ટ્રગીતથી તેમની વિદાય આપવામાં આવી હતી. જ્યારે રાષ્ટ્રપતિએ વિધાનસભાગૃહ ( Gujarat Assembly 2022)છોડ્યું તેની ગણતરીની સેકન્ડોમાં જ વિરોધ પક્ષના પૂર્વ નેતા અને ધારાસભ્ય પરેશ ધાનાણીએ (MLA Paresh Dhanani)ભારત માતાકી જયના નારા બોલાવ્યા હતા.
સભ્યોએ બેન્ચ ખખડાવીને અભિવાદન કર્યું - બંને પક્ષોએ ભેગા મળીને ભારત માતાકી જયના નારા કર્યા હતા. રાષ્ટ્રપતિને સંબોધન દરમિયાન ભાજપ પક્ષના ધારાસભ્યો અને પ્રધાનો બેન્ચ ખાખડાવીને સામે અભિવાદન કરી રહ્યા હતા ત્યારે કોંગ્રેસના ધારાસભ્યો ફક્ત ગુજરાત વિધાનસભામાં હાજરી પુરાવી હતી પરંતુ બેન્ચ ખખડાવીને અભિવાદન થી દુર રહ્યા હતા. જ્યારે રાષ્ટ્રપતિએ અભિવાદન માટે એક વખત કહેતા તમામ સભ્યોએ બેન્ચ ખખડાવીને અભિવાદન કર્યું હતું. રાષ્ટ્રપતિ રામનાથ કોવિંદ ગૃહમાં આવતાની સાથે જ રાજ્યના પૂર્વ મુખ્યપ્રધાન વિજય રૂપાણી અને નાયબ મુખ્યપ્રધાન નીતિન પટેલને સીધા મળ્યા હતા.
રાષ્ટ્રપતિ આવે તે પહેલાં સભ્યોએ ફોટોગ્રાફી કરી - વિધાનસભા ગૃહમાં દેશના રાષ્ટ્રપતિ રામનાથ કોવિંદ સંબોધન કરે અને ગૃહમાં આવ્યા તેના પંદરથી વીસ મિનિટ સુધી ભાજપના ધારાસભ્ય તથા પ્રધાનોએ ફોટોગ્રાફી કરી હતી. જ્યારે અનેક ધારાસભ્યો મોબાઈલથી ફોટા પાડતા જોવા મળ્યા હતા આમ વિધાનસભાગૃહમાં 30 મિનિટ જેટલું ફોટોસેશન ચાલ્યું હતું જ્યારે રાજ્યના શિક્ષણ પ્રધાન જીતુ વાઘાણીએ(Education Minister Jitu Waghan) ભાજપની મહિલા ધારાસભ્યો સાથે પણ અનેક ફોટા પડાવ્યા હતા.
મોહન રાઠવાની ઘોડી બહાર મુકાઈ - કોંગ્રેસના ધારાસભ્ય મોહન રાઠવા અને પગની તકલીફ છે જેથી તેઓ વિધાનસભાગૃહમાં ઘોડી લઈને આવે છે અને તેમની બેઠક વ્યવસ્થા પણ પ્રથમ હરોળમાં રાખવામાં આવી છે. પરંતુ આજે રાષ્ટ્રપતિ આવવાના કારણે તેઓ જ્યારે પોતાના સ્થાન ઉપર બેઠા ત્યારે તાત્કાલિક ધોરણે તેમને ગોળી વિધાનસભાની ગૃહની બહાર મુકવામાં આવી હતી. જ્યારે રાષ્ટ્રપતિ વિદાય લઈ રહ્યા હતા ત્યારે વિધાનસભાના અધ્યક્ષ નીમાબહેન આચાર્યએ રાઠવા સાથે રાષ્ટ્રપતિની ખાસ મુલાકાત કરાવી હતી અને તેમણે કઈ રીતની તકલીફ છે તે બાબતની પણ જાણકારી રાષ્ટ્રપતિના આપી હતી.
આ પણ વાંચોઃ Gujarat Assembly 2022 : સરકારે કોરોના કાળની ગ્રાન્ટના 1.25 કરોડ ફાળવ્યા નથી : અમરીશ ડેર
ગેલેરીમાં નામાંકિત લોકો રહ્યા હાજર - ગુજરાત રાજ્યના નામાંકિત લોકો જેવા કે પૂર્વ ક્રિકેટર પાર્થિવ પટેલ રાજ્યની તમામ યુનિવર્સિટીના કુલપતિ શહીદ પદ્મશ્રી એવોર્ડ હાંસલ કરનારા લોકો પણ વિધાનસભા ગૃહમાં પ્રેક્ષક ગેલેરીમાં હાજર રહ્યા હતા આ સાથે જ અમદાવાદના જગન્નાથ મંદિરના પૂજારી દિલીપદાસજી મહારાજ પણ વિધાનસભા ગૃહમાં રાષ્ટ્રપતિના પ્રવચનમાં હાજર રહ્યા હતા.
મુખ્ય દંડક તમામ ધારાસભ્યોને પરાણે બેસાડ્યા - રાષ્ટ્રપતિના વિધાનસભાગૃહમાં આગમન પહેલા તમામ ધારાસભ્યો ફોટોગ્રાફી કરતા જોવા મળ્યા હતા ત્યારે ભાજપના ધારાસભ્યો વિધાનસભા ગૃહમાં ફોટોગ્રાફી કરતા રોકાતા ન હતા તે દરમિયાન જ્યારે ગણતરીની મિનિટો બાકી હતી ત્યારે વિધાનસભાના શાસક પક્ષના દંડક પંકજ દેસાઈએ તમામ ધારાસભ્યોને પરાણે તેમની જગ્યા ઉપર બેસવા માટેનું પોસ્ટ કર્યો હતો જ્યારે અમુક ધારાસભ્યોને હાથ પકડીને પણ બેસાડવામાં આવ્યા હતા.
ગુજરાત વિધાનસભા 1960 થી અત્યારસુધીમાં 1012 વિધેયક પસાર થયા - રાષ્ટ્રપતિના સંબોધન સ્પીચમાં ગુજરાત વિધાનસભાના અધ્યક્ષ નીમાબહેન આચાર્યએ રાષ્ટ્રપતિનું પ્રેરક સ્વાગત કર્યું હતું અને ભગવતગીતા આપીને રાષ્ટ્રપતિ રામનાથ કોવિંદનું સ્વાગત કરવામાં આવ્યું હતું. ત્યારે પોતાની સ્પીચમાં નીમાબહેન આચાર્યએ જણાવ્યું હતું કે 1960 થી અત્યાર સુધીમાં ગુજરાત વિધાનસભામાં કુલ 138 સત્ર યોજાયા છે. જેમાં કુલ 2062 જેટલી બેઠકો યોજાઈ છે અને કુલ 1012 જેટલા વિધ્યેકો પસાર કરવામાં આવ્યા છે. જ્યારે સમગ્ર દેશમાં ગુજરાત વિધાનસભાએ પ્રથમ મહિલા અધ્યક્ષ આપ્યા છે તે બદલ પણ રાષ્ટ્રપતિ રામનાથ કોવિંદ એ ગુજરાતને અભિનંદન પાઠવ્યા હતા.
આ પણ વાંચોઃ President at Gujarat Assembly Update: ગુજરાતથી દેશને 2 PM મળ્યા, બંને સાથે મને કામ કરવાની તક મળીઃ રાષ્ટ્રપતિ
