- ખેડૂતો માટે સારા સમાચાર 8 જિલ્લામાં કૃષિ પેકેજ જાહેર થશે
- અમરેલી, બોટાદ, ભાવનગર, સુરેન્દ્રનગર પંચમહાલ, વડોદરા-છોટાઉદેપુર, અમદાવાદમાં પૂર્ણ થયો સર્વે
- નેચરલ ખેતીને પ્રોત્સાહન મળે તે હેતુથી ડાંગ જિલ્લાને પ્રાકૃતિક જિલ્લા તરીકે જાહેર કરાશે
ગાંધીનગર : અમરેલી, બોટાદ, ભાવનગર, સુરેન્દ્રનગર પંચમહાલ, વડોદરા-છોટાઉદેપુર, અમદાવાદ સહિતના આઠ જિલ્લાઓમાં કૃષિ પેકેજ(Agricultural Assistance Package) થયેલા નુકસાન સામે જાહેર કરવામાં આવશે. જેનો સર્વે(Agricultural Survey)પૂર્ણ કરવામાં આવ્યો છે. તેવું કૃષિપ્રધાન રાઘવજી પટેલે(Agriculture Minister Raghavji Pate)l મીડિયા સમક્ષ જણાવ્યું હતું. આ પહેલા સૌરાષ્ટ્રના જામનગર, જૂનાગઢ, પોરબંદર, રાજકોટ આ ચાર જિલ્લાના 23 તાલુકાના 682 ગામના નુકસાનીનો અહેવાલ મળ્યો હતો. જેમાં અંદાજિત ચાર લાખ 4.20 લાખ હેક્ટર વિસ્તારમાં પાક નુકશાન વળતર પેટે જિલ્લા વહીવટી તંત્ર દ્વારા નુકશાનને ધ્યાનમાં રાખી SDRF(સ્ટેટ ડિઝાસ્ટર રિસ્પોન્સ ફંડ) ઉપરાંત રાજ્ય બજેટમાંથી 547 કરોડનું માતબર જાહેર કર્યું છે. જેથી આઠ જીલ્લાના 52 તાલુકામાં પણ આ સહાય પેકેજ ખેડૂતોને આપવામાં આવશે.
ખેડૂતોની આવક ડબલ કરવીએ દિશામાં ખેતીવાડી ખાતુ પ્રયત્નશીલ
રાઘવજી પટેલે જણાવ્યું હતું કે, દેશના ખેડૂતોની આવક ડબલ કરવીએ દિશામાં ખેતીવાડી ખાતુ પ્રયત્નશીલ છે. અતિવૃષ્ટિના કારણે સૌરાષ્ટ્રના(Damage due to rains in Saurashtra) ચાર જિલ્લાઓમાં નુકસાન થયું હતું. જેના 155 કરોડ રૂપિયાની રકમ ખેડૂતોના ખાતામાં અત્યાર સુધી જમા થઈ છે. ત્યારે બાકીના અન્ય આઠ જિલ્લાનું સર્વેનું કામ પણ પૂર્ણ થયું છે. સર્વેનો અહેવાલ અમારા સુધી પહોંચાડવામાં આવ્યો છે. જેથી આગામી સમયમાં તે અંગે પણ સરકાર દ્વારા નિર્ણય લેવામાં આવશે. અહેવાલ સરકારની વિચારણા હેઠળ અત્યારે છે. ટૂંક સમયમાં જ આ જિલ્લાઓમાં પણ કૃષિ પેકેજ જાહેર કરાશે.
ડાંગ જિલ્લાને 19 તારીખે પ્રાકૃતિક જિલ્લા તરીકે જાહેર કરાશે
સમગ્ર પશ્ચિમ ભારતમાં ડાંગ જિલ્લાને પ્રાકૃતિક ખેતી(Natural farming to Dang district) માટે જાહેર કરવામાં આવશે. ત્યારે પ્રાકૃતિક ખેતીને પ્રોત્સાહન મળી રહે તે હેતુથી પ્રત્યેક ખેડૂતને વીસ હજાર રૂપિયાની પ્રોત્સાહન રાશિ આપવામાં આવશે. 19મી તારીખે ડાંગ જિલ્લાને પ્રાકૃતિક ખેતી માટે જાહેર કરવામાં આવશે. જંતુમુક્ત, પ્રાકૃતિક ખેતી ધરાવતો ડાંગ જિલ્લો છે. જેમાં 12 હજાર જેટલા ખેડૂતો ડાંગ જિલ્લામાં રાશિફળના લાભાર્થીઓ આત્યાર સુધી છે.
રાજ્યમાં વાર્ષિક આશરે 38 થી 40 લાખ મેટ્રિક ટન રાસાયણિક ખાતરનો વપરાશ થાય છે
રાજ્યમાં વાર્ષિક આશરે 38થી 40 લાખ મેટ્રિક ટન રાસાયણિક ખાતર(chemical fertilizer)નો વપરાશ થાય છે. જેમાં 4200થી 4300 કરોડની વાર્ષિક સબસીડી સરકાર તરફથી(Annual subsidy from the government) ચૂકવવામાં આવે છે. ચાલુ વર્ષે 94.3 લાખ હેક્ટરમાં ખરીફ પાકનું વાવેતર નોંધાયું હતું જેમાં આ સિઝનમાં રાજ્યમાં જરૂરિયાત મુજબ 11.77 લાખ મેટ્રિક ટન યુરિયા 2.59 લાખ મેટ્રિક ટન ડીએપી, 3.38 લાખ મેટ્રિક ટન એનપીકે અને 0.63 લાખ મેટ્રિક ટન મ્યુરેટ ઓફ પોટાશ ખેડૂતોને પૂરું પાડવામાં આવ્યું છે. રાજ્યમાં હાલ રવી સીઝનની વાવણીની કામગીરી ચાલુ છે. ચાલુ મહિના માટે 62,000 હજાર મેટ્રિક ટન જેટલો ડીએપીનો અને 30,500 મેટ્રિક ટન જેટલો એનપીકેનો જથ્થો ભારત સરકારે રાજ્યને ફાળવ્યો છે. ગઇકાલ સુધીમાં રાજ્યમાં વિવિધ જિલ્લાઓમાં 32 હજાર મેટ્રિક ટન જેટલો જથ્થો ડીએપીનો જ્યારે 21,700 મેટ્રિક ટન જેટલો જથ્થો એનપીકે ખાતરનો વપરાય છે.
આ પણ વાંચોઃ 11 જિલ્લામાં સર્વેની કામગીરી પૂર્ણ, SDRFના નિયમોથી વધુ સહાય ચૂકવાશે, 700 કરોડની આસપાસ સહાય પેકેજ રહેશે
આ પણ વાંચોઃ પાકિસ્તાન લાંબા સમયથી અફઘાનિસ્તાનની બાબતોમાં વિનાશકારી ભૂમિકા ભજવી રહ્યું છે: CRS રિપોર્ટ
