ગાંધીનગરઃ જિલ્લાના કલોલ તાલુકાના જાસપુર ગામમાં રવિવારે એકસાથે 9 કેસ કોરોના પોઝિટિવ સામે આવતા ખળભળાટ મચી ગયો છે. ત્યારે ઔડા દ્વારા જાસપુર ગામમાં વોટર ટેંકનું નિર્માણ કરવામાં આવ્યું છે. જેમાં આ કર્મચારીઓ ફરજ બજાવતા હતા. ત્યારે શનિવારે એક જ દિવસમાં કલોલમાં 8 કેસ સામે આવ્યા હતા.
જ્યાં તેના બીજા દિવસે એટલે કે રવિવારે 6 કેસ સામે આવ્યા છે. જેમાં 5 લોકો જાસપુર ગામમાં જ રહે છે, જ્યારે એક વ્યક્તિ કલોલમાં રહે છે, આ તમામ લોકો પુરુષ છે અને 22થી 30 વર્ષ વચ્ચેના હોવાનું સામે આવ્યું છે. જ્યારે એક વ્યક્તિ ગાંધીનગર શહેરના સેક્ટર 5cનો હોવાનું સામે આવી છે તે ઉપરાંત અન્ય બે વ્યક્તિ અમદાવાદના રહેવાસી છે. ત્યારે ગાંધીનગરનો કુલ આંકડો 125 ઉપર પહોંચ્યો છે.
