ગાંધીનગર શહેરના સેક્ટર-19માં આવેલા પૂર્વ IPS ડી.જી વણઝારાના પરિવારના સભ્યોના ચહેરા પર ખુશીની લાલી જોવા મળતી હતી. જ્યારે સમર્થકો દ્વારા ઢોલ-નગારા વગાડી ફટાકડા ફોડવામાં આવ્યા હતા અને 'વણઝારા સાહેબ તુમ આગે બઢો હમ તુમ્હારે સાથ હે' ના નારા લગાવી ખુશી વ્યક્ત કરી હતી. આ ક્ષણે ડી.જી.વણઝારાએ કહ્યું હતુ કે, આજે અમારી સાથે ન્યાય થયો છે અત્યાર સુધી પોલીસ સાથે અન્યાય થતો હતો. જે એકાઉન્ટર કરવામાં આવ્યા હતા, તે ફરજના ભાગરૂપે કરાયા હતા.
પૂર્વ IPS વણઝારા એન્કાઉન્ટર કેસમાં દોષમુક્ત
તેમણે વધુમા કહ્યું કે, "8 વર્ષ હું જેલમાં રહ્યો છું અને એક વર્ષ ગુજરાત બહાર મહારાષ્ટ્રમાં રહ્યો છું, પરંતુ કહેવત છે 'ભગવાનના ત્યાં દેર છે અંધેર નહીં' મેં જે ભગવાન પર વિશ્વાસ રાખ્યો હતો તે આજે ચરિતાર્થ થયો છે." વણઝારાએ પણ પોતાની ઉપર લાગેલા આરોપમુક્ત થતા ખુશી વ્યક્ત કરી હતી.
