રાજ્યમાં કોરોનાના નવા 908 પોઝિટિવ કેસ નોંધાયા, 4 મોત, 1102 ડિસ્ચાર્જ, કુલ કેસ 1,68,081

રાજ્યમાં છેલ્લા 24 કલાકમાં કોરોના વાઇરસના નવા 908 કેસ સામે આવ્યા છે અને 4 દર્દીઓનાં મોત નિપજ્યા છે. જ્યારે પોઝિટિવ કેસ કરતા આજે ડિસ્ચાર્જ આંકડો વધુ આવ્યો છે. છેલ્લા 24 કલાકમાં 1102 લોકો કોરોનાને માત આપી સ્વસ્થ થયા છે. ગુજરાતમાં કુલ કેસની સંખ્યા 1,68,081 થઇ છે.

• આજે કોરોના પોઝિટિવ કેસ કરતા ડિસ્ચાર્જનો દર્દીઓનો આંકડો વધુ
• છેલ્લા 24 કલાકમાં 908 કેસ અને 4 દર્દીઓના મોત
• રાજ્યમાં કુલ આંકડો દોઢ લાખને પાર

ગાંધીનગરઃ રાજ્યમાં કોરોના વાઇરસના આંકડામા સતત વધારો જોવા મળી રહ્યો છે. રાજ્યમાં કુલ આંકડો દોઢ લાખ પાર થઈ ગયો ગયો છે. ત્યારે 24 કલાકમાં નવા 908 કેસ સામે આવ્યા છે. જ્યારે કોરોના વાઇરસના કારણે છેલ્લા 24 કલાકમાં સારવાર લઈ રહેલા 4 દર્દીનાં મોત થયા છે. જો કે, છેલ્લા 24 કલાકમાં રાજ્યમાંથી આજે પોઝિટિવ કરતા ડિસ્ચાર્જનો આંકડો વધુ છે, 1102 દર્દીઓને આજે રજા આપવામાં આવી હતી.

જિલ્લા મુજબ આંકડાકીય માહિતી

રાજ્યમાં છેલ્લા 24 કલાકમાં સુરત કોર્પોરેશન વિસ્તારમાં 164, અમદાવાદ કોર્પોરેશન 160, રાજકોટ કોર્પોરેશન 48, સુરત 64, વડોદરા કોર્પોરેશન 71, મહેસાણા 27, વડોદરા 40, મોરબી 23, સુરેન્દ્રનગર 22, ભરૂચ 20, રાજકોટ 20, અમરેલી 17, જામનગર કોર્પોરેશન 17, પાટણ 17, ગાંધીનગર કોર્પોરેશન 15, કચ્છ 14, અમદાવાદ 13, આણંદ 13, બનાસકાંઠા 11, ગાંધીનગર 11, ગીર સોમનાથ 11, જામનગર 11, જુનાગઢ 11, ખેડા 11, સાબરકાંઠા 10, નર્મદા 9, પંચમહાલ 8, દેવભૂમિ દ્વારકા 7, જૂનાગઢ કોર્પોરેશન 7, ભાવનગર કોર્પોરેશન 6, દાહોદ 6, અરવલ્લી 4, ભાવનગર 4, છોટાઉદેપુર 4, તાપી 4, મહીસાગર 3, નવસારી 2, બોટાદ 1, પોરબંદર 1 અને વલસાડમાં 1 કેસ સામે આવ્યો છે.

આંકડાકીય માહિતી

આ ઉપરાંત 61 દર્દી વેન્ટિલેટર ઉપર રાખવામાં આવ્યાં છે. અત્યાર સુધી 3693 લોકોના મોત થયાં છે. જ્યારે અમદાવાદમા રાજ્યમાં સૌથી વધું 41,628 કેસ થયાં છે. રાજ્યમાં સૌથી વધુ કેસ પાંચ મહાનગરોમાં સામે આવી રહ્યા છે. સુરત આજે એક દિવસ બાદ રાજ્યમાં ફરીથી પહેલા નંબરે કોરોના કેસમાં રહ્યું છે. સુરત મહાનગરપાલિકા વિસ્તારમાં 164 કેસ સામે આવ્યા છે. જ્યારે ગ્રામ્ય વિસ્તારમાં 64 કેસ સામે આવ્યાં છે. 24 કલાકમાં સુરતમાં 228 સામે આવ્યાં છે. જો કે હવે ગ્રામ્ય વિસ્તારોમાં પણ વધુ માત્રામાં કેસ સામે આવી રહ્યા છે.