- CM રૂપાણીની ઉપસ્થતિમાં ગણવેશ વિતરણનો ઓનલાઇન કાર્યક્રમ યોજાયો
- રાજ્યના તમામ જિલ્લામાં ગણવેશ વિતરણ કરાયા
- 54 હજાર આંગણવાડી કેન્દ્રોમાં ગણવેશ અપાયા
ગાંધીનગર: મહિલા અને બાળ વિકાસ વિભાગ(Department of Women and Child Development)અને ગુજરાત રાજ્ય સરકાર દ્વારા આંગણવાડીના તમામ બાળકોને શિક્ષણ માટે પ્રોત્સાહન મળે તે હેતુથી ગણવેશ વિતરણ કાર્યક્રમ યોજાયો હતો. જેમાં રાજ્યની 53 હજારથી વધુ આંગણવાડીના 14 લાખથી વધુ બાળકોને ગણવેશ વિતરણનો રાજ્યકક્ષાનો કાર્યક્રમ મુખ્યપ્રધાન વિજય રૂપાણીના અધ્યક્ષ સ્થાને યોજાયો હતો. રાજ્યના અનેક જિલ્લામાં આ યોજના અંતર્ગત ગણવેશ વિતરણ કાર્યક્રમો યોજાયા હતો. ગાંધીનગર જિલ્લામાં મહેસુલ પ્રધાન અને બીજેપી ગાંધીનગરના પ્રભારી કૌશિક પટેલના અધ્યક્ષ સ્થાને કલેક્ટર કચેરીના સમિતિ ખંડમાં કાર્યક્રમ યોજાયો હતો.
આ પણ વાંચોઃ Gyansetu books : વલસાડ જિલ્લાની પ્રાથમિક સ્કૂલોમાં શરૂ કરાયું વિતરણ
હેન્ડ વોશિંગ કાર્યક્રમમાં વેબ લિંક દ્વારા એક સાથે પાંચ લાખ લોકો જોડાતા રોકોર્ડ
મહિલા અને બાળ વિકાસ વિભાગ દ્વારા ગત ગાંધી જંયતિ-2020 નિમિતે યોજાયેલા હેન્ડ વોશિંગ કાર્યક્રમમાં વેબ લિંક દ્વારા એક સાથે પાંચ લાખ લોકો જોડાયા હતા. તે રેકોર્ડ બદલ વર્લ્ડ બુક ઓફ રેકોર્ડ, લંડન દ્વારા પ્રમાણપત્ર એનાયત કરવામાં આવ્યું હતું. કોરોના સંક્રમણકાળમાં મહિલા બાળ વિકાસ વિભાગ દ્વારા ‘હેન્ડ વોશ’ કેમ્પઇનમાં આયોજીત કરાયું હતું. આ ગૌરવ સિદ્ધિ માટે વર્લ્ડ બુક ઓફ રેકોર્ડ લંડનનું પ્રમાણ પત્ર તેમના પ્રતિનિધિએ મુખ્યપ્રધાનને અર્પણ કર્યું હતું. મુખ્યપ્રધાને વિજય રૂપાણીએ આ ગૌરવ સિદ્ધિ માટે મહિલા અને બાળ કલ્યાણ વિભાગને અભિનંદન આપતા આ પ્રમાણપત્ર વિભાગને એનાયત કર્યું હતું.
આ પણ વાંચોઃ આંગણવાડીના 14 લાખથી વધુ બાળકોને મુખ્યપ્રધાનના હસ્તે ગણવેશ કરાશે વિતરણ
આંગળવાડીઓમાં 3 થી 6 વર્ષના બાળકો પણ ગણવેશ પહેરશે
મહેસુલ પ્રધાન કૌશિક પટેલે કહ્યું હતું કે, સમગ્ર દેશમાં ગુજરાત એક પ્રથમ રાજ્ય છે. જેમાં આંગણવાડીના બાળકોને ગણવેશ આપવામાં આવ્યા છે. ગાંધીનગર જિલ્લાના 35 હજાર બાળકોને ગણવેશ આપ્યા છે. યુનિફોર્મથી બાળકમાં એકતાનો ભાવ અને ડીસીપ્લીન આવે છે. સંસ્કાર અને શિક્ષણ બંને આપવાનો ઉમદા હેતુ આંગણવાડીની માતા યશોદા બહેનો દ્વારા કરવામાં આવે છે, ત્યારે શ્રેષ્ઠ કામગીરી કરનારા બહેનોનું પણ સન્માનિત કરવામાં આવ્યું હતું. યુનિફોર્મથી બાળકમાં એકતાનો ભાવ અને ડીસીપ્લીન આવે છે. બાળ અને મહિલા વિકાસ (Department of Women and Child Development) વિભાગની કમિશ્નર કચેરી દ્વારા ચાલુ વર્ષે આંગણવાડીમાં આવતાં બાળકોમાં 3 થી 6 વર્ષની વયના બાળકોને ગણવેશ આપવાનો નક્કી કરવામાં આવ્યું છે.
આ પણ વાંચોઃ વિસનગર જૈન સમાજ દ્વારા નિઃશુલ્ક 5,000 માસ્કનું વિતરણ કરાયું
રાજ્યમાં 36 કરોડના ખર્ચે 14 લાખ બાળકોને 28 લાખ ગણવેશ આપવામાં આવ્યા
આજે રાજ્યની 54 હજાર આંગણવાડીના 14 લાખ જેટલા બાળકોને ગણવેશ આપવામાં આવ્યા છે. દરેક બાળક દીઠ 2 ગણવેશ એમ 28 લાખ ગણવેશ આપવામાં આવ્યા હતા. આંગણવાડીમાં આવવાનું આકર્ષણ બાળકોમાં આવવાનું વધે તે પણ આ કાર્યક્રમનો એક ઉમદા હેતુ છે. આ કાર્યક્રમમાં પુરા ગુજરાત ભરમાં યોજાયો હતો. જેમાં મુખ્યપ્રધાન વિજય રૂપાણી (CM Vijay Rupani) પણ ઓનલાઇન જોડાયા હતા. 36 કરોડના ખર્ચે ગણવેશ વિતરણ કાર્યક્રમ કરવામાં આવ્યો છે.
