પાક વીમા મુદ્દે કોંગ્રેસના ભાજપ પર પ્રહાર

ગાંધીનગરઃ વિધાનસભામાં ચાલી રહેલા સત્રમાં કોંગ્રેસ વધુ આક્રમક વલણ દાખવી રહી છે. કોંગ્રેસે ખેડૂતોના પાક વિમા સંદર્ભે સત્તાપક્ષને આડે હાથ લીધો હતો. તેમજ આ મુદ્દે સરકાર પર ગંભીર સવાલો ઉભા કર્યા હતા. રાજ્યના ખેડૂતો પાકને નુકસાન ન થાય તે માટે વીમા કંપની પાસે વીમો લે છે. આ મુદ્દે સોમવારે વિધાનસભા ગૃહમાં બંને પક્ષો સામસામે આવ્યા હતા. પ્રશ્નોતરી દરમિયાન કેન્દ્ર સરકાર, રાજ્ય સરકાર અને ખેડૂતો દ્વારા અબજો રૂપિયા પ્રિમિયમ ભર્યાનું સામે આવ્યું છે.

કોંગ્રેસના ધારાસભ્ય શૈલેષ પરમારે આ મુદ્દે સરકાર પર આક્ષેપ કરતાં જણાવ્યું હતું કે, રાજ્ય સરકાર દ્વારા બે વર્ષમાં કુલ 5400 કરોડ રૂપિયાનું પ્રિમિયમ વીમા કંપનીઓને ભરવામાં આવેલું છે. આ પ્રિમિયમની સામે ખેડૂતોને મળવાપાત્ર હોય તે રકમ પૈકી ફક્ત 3119 કરોડ રૂપિયા ચૂકવવામાં આવી છે. લગભગ 2480 કરોડ રૂપિયા ખાનગી પ્રિમિયમ કંપનીઓને નફો કરાવવા થયો હોવાના આક્ષેપ કર્યા હતા. રાજ્યમાં છેલ્લા બે વર્ષમાં ખરીફ પાક કે રવિ પાકમાં કુલ 38,44,853 ખેડૂતોએ વીમા પ્રિમિયમની ચૂકવણી કરી છે. તેની સામે ફક્ત 14,16,000 ખેડૂતોને જ મળવાપાત્ર વીમાની રકમ મળેલી છે. હજુ 2018ની અંદર રવિપાક માટે જે ખેડૂતોએ દાવા કર્યા હતા, જે 2019ના વાવેતર થઈ જવા છતાં વીમાની રકમ ચુકવાઈ નથી.

કોંગ્રેસના આક્ષેપનો જવાબ આપતાં મુખ્યપ્રધાન રૂપાણીએ ગૃહમાં જણાવ્યું કે, પ્રધાનમંત્રી ફસલ વીમા યોજના ખેડૂતોને સુરક્ષિત કરવા રાજ્ય અને કેન્દ્ર સરાકર દ્વારા અમલી બનાવી છે, ત્યારે ગુજરાતમાં 2600 કરોડ રૂપિયા જેટલી રકમ ખેડૂતોને પાક વીમા પેટે સીધી તેમના ખાતામાં જમા કરવામાં આવી છે. પાક વીમાની રકમનો વીમા કંપનીને બદલે ખેડૂતોન સીધો જ લાભ મળે તે માટે ફંડ ઉભુ કરવા રાજ્ય સરકારે દરખાસ્ત કરી છે.

• ખાનગી કંપનીઓને ચુકવાયેલ પ્રિમિયમ(2017 ખરીફ પાક)

એગ્રીકલચેર ઇન્શુઅરન્સ કંપની
રાજ્ય સરકારે ચૂકવેલ 2,57,38,47,363
કેન્દ્ર સરકારે ચૂકવેલ 2,57,38,47,363
ખેડૂત દ્વારા ચૂકવેલ 70,48,53,515
ટોટલ રકમ 5852548241

ન્યુ ઇન્ડિયા ઇન્શુઅરન્સ કંપની
રાજ્ય સરકારે ચૂકવેલ 8,09,85,96,124
કેન્દ્ર સરકારે ચૂકવેલ 8,09,85,96,124
ખેડૂત દ્વારા ચૂકવેલ 1,60,79,05,635
ટોટલ રકમ 17,805,097,883

ઇફકો ટોકિયો જનરલ ઇન્શુઅરન્સ
રાજ્ય સરકારે ચૂકવેલ 1,12,61,88,240
કેન્દ્ર સરકારે ચૂકવેલ 1,12,61,88,240
ખેડૂત દ્વારા ચૂકવેલ 48,10,69,673
ટોટલ. 2,733,446,153

એસબીઆઈ જનરલ ઇન્શુઅરન્સ
રાજ્યસરકારે ચૂકવેલ 2, 12,83, 74,269
કેન્દ્ર.સરકારે ચૂકવેલ 2,12,83,74,269
ખેડૂત દ્વારા ચૂકવેલ 88,20,45,484
ટોટલ 5,138,793,823

• ખાનગી કંપનીએ ખેડૂતોને ચૂકવેલા નુકસાનના વળતરની રકમ

વર્ષ 2017 ખરીફ પાક

1. એગ્રીકલચર ઇન્શુઅરન્સ કંપનીએ 5,01,72,91,867 દાવા પ્રમાણે રકમ ચૂકવી
2. ન્યુ ઇન્ડિયા ઇન્શુઅરન્સ કંપનીએ 3,54,26,26,729 ચૂકવ્યા
3. ઇફકો ટોકિયો જનરલ ઇન્શુઅરન્સ કંપનીએ 13,01,97,955 ચૂકવ્યા
4. એસ.બી.આઈ જનરલ ઇન્શુઅરન્સ 1,85,74,70,912 ચૂકવ્યા
5. ખરીફ પાકનું દાવા પ્રમાણે ચુકવણું 10,54,75,87,463
6. વર્ષ 2017 રવિ ઉનાળુ પાક દાવા પ્રમાણે ચુકવણું
7. ઇફકો ટોકિયો જનરલ ઇન્શુઅરન્સ કંપનીએ 14,56,72,365 ચૂકવ્યા

કુલ ચુકવણું- 14,56,72,365

• વર્ષ 2018ના ખરીફ પાકના દાવા પ્રમાણે કંપનીએ ચૂકવેલી રકમ

1. એગ્રીકલચેર ઇન્શુઅરન્સ કંપનીએ 5,08,64,84,563 ચૂકવ્યા
2. રિલાયન્સ જનરલ ઇન્શુઅરન્સ કંપની 8,56,13,29,123 ચૂકવ્યા
3. યુનિવર્સલ સોંપો જનરલ ઇન્શુઅરન્સ કંપનીએ 5,36,00,67,546 ચૂકવ્યા
4. ભારતી અક્ષા જનરલ ઇન્શુઅરન્સ કંપનીએ 1,49,40,39,577 ચૂકવ્યા

કુલ 20,50,19,20,809