ગાંધીનગર: ગુજરાત વિધાનસભાની ચૂંટણીના પરિણામને 47 દિવસ પુરા થયા છે. વિધાનસભાના વિરોધના નેતા તરીકે અમિત ચાવડાએ ચાર્જ સાંભળ્યો છે. ત્યારે ગુજરાત વિધાનસભા અધ્યક્ષે વિપક્ષ પદ આપવું કે નહીં તે માટે સરકારે કોઈ સત્તાવાર જાહેરાત કરી નથી ત્યારે કોંગ્રેસે વિપક્ષ કાર્યાલયની ભાડેથી માંગણી કરી છે.
ભાડે કાર્યાલય આપવા માંગ કરી: ગુજરાત વિધાનસભાના વિપક્ષ નેતા તરીકે અમિત ચાવડાએ ચાર્જ સંભાળ્યા બાદ કોંગ્રેસના ધારાસભ્ય સીજે ચાવડાએ જાહેરમાં નિવેદન કર્યું હતું કે વિરોધ પક્ષના નેતા તરીકેનો ચાર્જ સંભાળ્યા બાદ વિધાનસભામાં કાર્યાલય અને ઓફિસ પણ આપવી પડે એ ખાનદાનની વાત છે પરંતુ ગઈકાલે વિધાનસભાના અધ્યક્ષ સાથે વાતચીત કરવામાં આવી હતી જેમાં બીજા માળે આવેલ વિરોધ પક્ષના કાર્યાલયની માંગ કરવામાં આવી હતી અને જો ના આપવું હોય તો બજાર ભાવ જે ચાલે છે તે પ્રમાણે ચોરસ ફુટના પૈસા આપીને ભાડું આપવાની પણ વાત કરી હતી અને જે દિવસે 19 ધારાસભ્ય થાય ત્યારે ભાડું લેવાનું બંધ કરી દેજો.
કોંગ્રેસ જાહેર કરશે મેઈલ અને હેલ્પ નંબર: ગુજરાત વિધાનસભાના વિરોધ પક્ષ નેતા તરીકેનો ચાર્જ સંભાળ્યા બાદ બાદ અમિત ચાવડાએ મહત્વની જાહેરાત કરી હતી કે ગુજરાતના કોઈપણ નાગરિકોને કોઈપણ પ્રકારની તકલીફ અને મુશ્કેલી હોય અને સરકારમાં કામ ન થતા હોય તેવા નાગરિકો અને રજૂઆત કર્તાઓ માટે કોંગ્રેસ વિરોધ પક્ષ ખાસ એક ઇ-મેલ આઇડી અને એક whatsapp નંબર જાહેર કરશે. જેના થકી જાહેર જનતા પોતાની ફરિયાદો અને સૂચનો કોંગ્રેસને આપી શકે છે અને આ તમામ પ્રશ્નો ગુજરાત વિધાનસભા ગૃહમાં ઉઠાવવામાં આવશે. જ્યારે આવનારા દિવસોમાં કોંગ્રેસના તમામ હારેલા ઉમેદવારો, ધારાસભ્યો, પદાધિકારીઓ જિલ્લા તાલુકા અને શહેરીકક્ષાએ લોકોની વચ્ચે જઈને 2024 લોકસભા અને 2 જિલ્લા પંચાયતની ચૂંટણીની તૈયારીઓ શરૂ કરવાની સૂચના આપવામાં આવી છે.
આ પણ વાંચો: Central Budget 2023 24 : મોદી સરકારના બજેટથી સુરતના કાપડ વેપારીઓને નવી ઉમ્મીદ
2024ની તૈયારીઓ શરૂ: કોંગ્રેસ પ્રમુખ જગદીશ ઠાકોરે જણાવ્યું હતું કે સમગ્ર દેશમાં ભારત જોડો યાત્રા કાર્યરત છે ત્યારે અનેક જગ્યાએ રાહુલ ગાંધીને ઉતારો પ્રાપ્ત થતો નથી. સરકાર અન્યાય કરી રહ્યા હોવાનો આક્ષેપ કર્યો હતો. જ્યારે ગુજરાતમાં ભારત જોડે યાત્રા નહીં આવે પરંતુ ભારત જોડો યાત્રા અંતર્ગત હાથ સે હાથ જોડોનું આયોજન અભિયાન શરૂ થશે. જેમાં માર્ચ સુધીમાં દરેક ગામડાઓમાં પહોંચી અભિયાન હાથ ધરવામાં આવશે. લોકસભા ચૂંટણી 2024ની તૈયારી અત્યારથી કોંગ્રેસે શરૂ કરી છે. હાથ સે હાથ જોડો યાત્રા ગુજરાતમાં સફળ કરવી તે દિશામાં કામ કરશે.
આ પણ વાંચો: Ahmedabad News: અમદાવાદમાં 26 જાન્યુઆરીએ બ્લાસ્ટની ધમકી, શહેરમાં એલર્ટ જારી કરાયું એલર્ટ
કોંગ્રેસ ગુજરાતના લોકોનો અવાજ: ચાર્જ સંભાળ્યા બાદ અમિત ચાવડાએ નિવેદન આપ્યું હતું કે કોંગ્રેસ હાઈ કમાંડે જે જવાબદારી મુકી છે તેને આભાર વ્યક્ત કરું છું, 2004 માં વિધાનસભામાં મને 27 વર્ષે ચૂંટાવવાની તક મળી હતી, 2007 માં બીજી વખત ચૂંટાઈ આપવાની તક મળી હતી જ્યારે 2012 માં પણ તક મળી હતી. ઉપદંડક કામ કરતા વાહીવતનો અનુભવ અને કામ કરવાની તક મળી હતી, કોંગ્રેસના સિનિયર નેતા સાથે કામ કરી ઘણો અનુભવ મળ્યો છે, વિધાનસભાના નિયમ માં વિપક્ષ માટે કોઈ બાધ નહીં હોવા છતાં પદ આપ્યુ નથી, કોંગ્રેસ ગુજરાતના લોકોનો અવાજ ઉઠવવા માગે છે.
