શહેરમા લેબર કોન્ટ્રાક્ટર સહિત 16 લોકો કોરોનાં પોઝિટિવ, જિલ્લાનો આંકડો 600ને પાર

પાટનગરમાં આજે શુક્રવારે ફરી 16 કોરોનાના કેસ સામે આવ્યા હતા. જેના પગલે શહેરમાં કોરોનાના કેસ 600ને પાર પર પહોંચ્યાં છે.

ગાંધીનગર : જિલ્લાના ગ્રામ્ય વિસ્તારમાં 13 કોરોનાના પોઝિટિવ કેસ મળ્યા છે. તેમજ વધુ 7 દર્દીઓને ડિસ્ચાર્જ કરવામાં આવ્યા છે. ઉપરાંત કલોલનાં એક વ્યક્તિનું મોત નિપજ્યું છે. ગાંધીનગર મહાપાલિકા વિસ્તારમાં 3 કેસ સામે આવ્યાં છે. તેની સાથે જ જિલ્લાનો આંકડો 600 પાર થઇ ગયો છે.

લેબર કોન્ટ્રાક્ટર સહિત 16 લોકો કોરોનાં પોઝિટિવ

ગાંધીનગર શહેરના સેક્ટર 25માં રહેતા લેબર કોન્ટ્રાક્ટર જેમનું મૂળ વતન હારીજ છે અને છેલ્લા 3 મહિનાથી ગાંધીનગર આવ્યા હતા, જે સંક્રમિત થયા છે. સેક્ટર 16માં રહેતી 27 વર્ષીય ગૃહિણી અને 27 ડીએસપી કચેરીના ક્વાટર્સમાં રહેતા 50 વર્ષીય મહિલા આજે પોઝિટિવ આવ્યા છે. અગાઉ તેમના પરિવારમાં એક વ્યક્તિ પોઝિટિવ આવી હતી.ગાંધીનગર તાલુકામાં 4 અને કલોલ તાલુકામાં 9 કેસ સાથે 13 કોરોનાના પોઝિટિવ કેસ આવ્યા છે. જેમાં ગાંધીનગર તાલુકામાં કોબા ગામમાં 31 વર્ષીય યુવાન, અડાલજ ગામમાં 59 વર્ષીય મહિલા, પોર ગામમાં 70 વર્ષીય વૃઘ્ઘ અને સુઘડ ગામમાં 30 વર્ષીય યુવાનને કોરોના પોઝિટિવ કેસ આવ્યા છે. કલોલ તાલુકામાં છત્રાલ ગામમાં 60 વર્ષીય મહિલા અને 68 વર્ષીય વૃઘ્ઘ, ડિંગુચા ગામમાં 70 વર્ષીય વૃઘ્ઘ, બોરીસણા ગામમાં 51 વર્ષીય આધેડ અને કલોલ શહેરમાં 53 વર્ષીય તથા 55 વર્ષીય બે આધેડ, 32 અને 33 વર્ષીય યુવાનને કોરોનાના પોઝિટિવ કેસ આવ્યા છે. આજે કલોલના 72 વર્ષીય વૃઘ્ઘનું રીધમ હોસ્પિટલ કડી ખાતે મૃત્યૃ થયું છે.