દ્રારકામાં ખંભાળિયાના ઝવેરી બજારમાં આવેલું પ્રજાબંધુ નિ:શુલ્ક પુસ્તકાલય આશરે 100 વર્ષ જૂનું છે. વર્ષોથી અહીં નિ:શુલ્ક સેવા આપવામાં આવે છે. ખંભાળીયા અને આજુબાજુના વાચન પ્રેમીઓ અહીં વર્ષોથી આવે છે. આશરે 5000થી પણ વધુ અવનવા પુસ્તકોનો સંગ્રહ કરવામાં આવ્યો છે. વર્ષો પહેલા ભાટિયા ટ્રસ્ટ દ્વારા આ પુસ્તકાલયની સ્થાપના કરવામાં આવી હતી.
દેવભૂમિ દ્વારકાના મુખ્ય મથક ખંભાળીયાની 100 વર્ષ જૂની પુસ્તકાલયમાં ગટરના પાણી ઘુસી ગયા.
આજે વહેલી સવારે અચાનક ગટરના પાણી ભરાતા પુસ્તક પ્રેમીઓ પરેશાન થયા હતા. આ અંગે ખંભાળીયા નગરપાલિકાને જાણ કરવામાં આવી હતી, તેમ છતાં ચારથી પાંચ જેટલા નવા પુસ્તકોના બંડલને નુકશાન થયુ હોવાનું સ્થાનિક લોકોનું કહેવું છે.
