દ્વારકાઃ સ્થાનિકએ જણાવ્યું કે, શહેર નગરપાલિકા દ્વારા સ્મશાનમાં પતરાનો શેડ એ રીતે બનાવવામાં આવ્યો છે કે, સ્મશાનમાં કરવામાં આવતા અગ્નિસંસ્કારની વિધિ દરમ્યાન ધુમાડો અને રાખ તેમના ઘરમાં આવે છે.
જેના કારણે તે લોકોના આરોગ્યને પણ જોખમ ઊભું થયું છે. સાથે-સાથે ફેફસા અને આંખોમાં તકલીફ પણ થાય છે.
આ સ્મશાનમાં રોજના 4થી 5 અથવા 7થી 8 મૃતકના અગ્નિસંસ્કાર કરવામાં આવે છે. તેથી સ્થાનિક લોકોએ દ્વારકા નગરપાલિકાના પ્રાંત કચેરીને મૌખિક અને લેખિતમાં જાણ કરી હોવા છતાં સમસ્યાનું નિવારણ થતું નથી. સ્થાનિક લોકો આ સમસ્યાથી ત્રાસીને જન આંદોલન કરે તેવી પરિસ્થિતિ ઊભી થઈ છે.
યાત્રાધામ દ્વારકામાં સ્મશાન પાછળ રહેતા લોકોના ઘરમાં આવે છે અગ્નિસંસ્કારની રાખ
