દેવભૂમિ દ્વારકામાં ડેમો છલકાયા, 210થી વધુ વિજ પોલ ધરાશાયી થવાથી અંધારપટ

દેવભૂમિ દ્વારકામાં સતત વરસાદ વરસી રહ્યો હોવાથી જિલ્લાનાં મોટાભાગના ડેમ ઓવરફ્લો થયા છે. આ ઉપરાંત નદી નાળા પણ છલકાયા છે. ભારે વરસાદના કારણે જિલ્લામાં અનેક જગ્યાઓએ સ્ટ્રીટ લાઈટના થાંભલાઓ તુટી પડ્યા છે. જેના કારણે કેટલાક વિસ્તારોમાં વિજ પુરવઠો ખોરવાતા જનજીવન અસ્તવ્યસ્ત થયુ છે.

દેવભૂમિ દ્વારકા જિલ્લામાં આઠ કલાકમાં પડેલા વરસાદના આંકડા (સવારે ૬ થી બપોરના ૨ સુધી)

દેવભૂમિ દ્વારકાના મોટા ભાગના ડેમ છલકાયા, 210થી વધુ વિજ પોલ ધરાશાયી થવાથી અંધારપટ

ખંભાળિયા	10 ઈંચ
ભાણવડ	6 ઈંચ
દ્વારકા	2 ઈંચ
કલ્યાણપુર	4 ઈંચ

માત્ર ભાડથર ગામમાં જ વરસાદ અને ભારે પવનના કારણે વહેલી સવારે વૃક્ષ,બે વીજ થાભલા એક ટ્રાન્સફોર્મર ધરાશાયી થયુ છે. આ ઉપરાંત જિલ્લાભરમાં 210થી વધુ વિજ થાંભલા પડી ગયા હોવાની માહિતી સાંપડી રહી છે. જેના કારણે વિજ નિગમને મોટુ નુકસાન થયુ છે. પાણીનો ભરાવો થતાં અનેક ખેતરો પાણીમાં ગરકાવ થયા છે.ખંભાળિયા અને પોરબંદરને જોડતો મુખ્ય હાઈવે પણ વરસાદના કારણે જર્જરીત થતા લોકોના જીવ જોખમમાં મુકાયા છે.

અવિરત વરસી રહેલ ધોધમાર વરસાદના પગલે દ્વારકા જિલ્લાના શાની ડેમ સિવાયના તમામ જળાશયો ઓવરફ્લો થયા છે

• ધી ડેમ
• વર્તુ 1
• સોનમતી
• મીણસાર
• વેરાડી
• વર્તુ 2
• સિંધણી
• શેઢા ભારથરી
• વેરાડી 1
• કબરકા
• ગઢકી
• શીંહણ
• મહાદેવીયા
• કંડોરણા