દેવભૂમિ દ્વારકા જિલ્લાના પૂર્વ ધારાસભ્ય મેરામણ ગોરીયાનો કોરોના રિપોર્ટ પોઝિટિવ

રાજ્યમાં કોરોનાનું સંક્રમણ ઝડપથી ફેલાઈ રહ્યું છે. દિનપ્રતિદિન કોરોનાના દર્દીઓની સંખ્યા પણ વધી રહી છે. કોરોનાની ઝપેટમાં ઘણા નેતાઓ પણ આવ્યા છે. ત્યારે તે લિસ્ટમાં વધુ એક નામ ઉમેરાયું છે, દેવભૂમિ દ્વારકા જિલ્લાના ખંભાળિયા ભાણવડના પૂર્વ ધારાસભ્ય મેરામણ ગોરીયાનો કોરોના રિપોર્ટ પોઝિટિવ આવ્યો છે.

દેવભૂમિ દ્વારકા: જિલ્લાના ખંભાળિયા ભાણવડના પૂર્વ ધારાસભ્ય મેરામણ ગોરીયાનો કોરોના રિપોર્ટ પોઝિટિવ આવ્યો છે. તેમને સારવાર માટે સુરતની કિરણ હોસ્પિટલમાં દાખલ કરવામાં આવ્યા છે. ઉપરાંત, તે વિસ્તારને સેનેટાઇઝ કરવામાં આવ્યું છે તેમજ આસપાસના લોકોને હોમ કવોરેન્ટાઇન કરાયા છે.

ધારાસભ્યનો રિપોર્ટ પોઝિટિવ આવતા તેમના પત્ની તેમજ પરિવારજનોના સેમ્પલ લેવામાં આવ્યા છે. 2017માં પબુભા માણેક સામે સુપ્રીમ કોર્ટમાં લડત આપનાર પૂર્વ ધારાસભ્ય મેરામણ ગોરીયાનો રિપોર્ટ પોઝિટિવ આવતા દ્વારકા જિલ્લામાં ચિંતાનો માહોલ છવાયો છે.