ભારતની સરહદોની રક્ષા માટે ભારતીય સૈનિકોના જવાનો પોતાના જીવના જોખમે દેશની રક્ષા કરે છે. કારગિલ યુદ્ધ વખતે ભારતના અનેક સૈનિકોએ પોતાનો જીવ આપીને ભારત માતાની રક્ષા કરી હતી. આ સૈનિકોની શહાદતને યાદ કરીને શુક્રવારે દેવભૂમિ દ્વારકાના માજી સૈનિકો દ્વારા એક રેલી યોજીને ભાવપૂર્વક શ્રદ્ધાંજલિ અર્પણ કરવામાં આવી હતી.
દેવભૂમિ દ્વારકાના માજી સૈનિકો દ્વારા કારગિલના શહિદોને શ્રદ્ધાજંલી અર્પણ કરાઈ
શુક્રવારે સવારે દ્વારકાના રબારી ગેટ પાસેથી માજી સૈનિકો તેમજ NCCના યુવાનોએ રેલી યોજી દ્વારકાના પવિત્ર ગોમતી ઘાટ ઉપર ભારતીય પૂર્વ સૈનિક લેફ્ટનન્ટ જનરલ મહિપતસિંહના હસ્તે કારગિલ યુદ્ધ સૈનિકોને ભાવપૂર્વક શ્રદ્ધાંજલિ અર્પણ કરી હતી.
