મહિલા બાબતના ઝઘડામાં દ્વારકા નજીકના મુળવાસર ગામે યુવાનની ઘાતકી હત્યા

દ્વારકા નજીકના મુળવાસર ગામે સામાન્ય મહિલા બાબત અગાઉના ઝઘડાને કારણે યુવાન પર હુમલો કરતા યુવકનું ઘટના સ્થળે જ મૃત્યુ થયું હતું. આ બનાવની જાણ થતા દ્વારકા પોલીસ ઘટના સ્થળે પહોંચી આગળની કાર્યવાહી હાથધરી હતી.

દ્વારકાઃ જિલ્લાના મુળવાસર ગામે રહેતા દિનેશભા નાગજીભા સુમણીયા ઉમર વર્ષ (20) નામના હિન્દુ વાઘેર યુવાનને તે ગામમાં રહેતા કરસનભા જેઠ્ઠાભા ભઠ્ઠડ અને તેમના પુત્ર અર્જુનભા ભઠ્ઠડ તથા વેજાભા ખેગારભા ભઠ્ઠડ અને કાયાભા ઘોઘાભા માણેક સાથે એક બે મહિના પહેલા મહિલા બાબતે ઝઘડો થયો હતો, જે ઝઘડામાં ગઈકાલે ઉગ્ર સ્વરૂપ લઈ લેતા ઉપરના ચારેય આરોપીઓ એક સાથે મળીને દિનેશભાને લાકડી, પાઇપ અને છરી વડે આડેધડ હુમલો કરતા દિનેશભાનું ઘટના સ્થળે જ મૃત્યુ થયું હતું. આ બનાવ સ્થળે દિનેશભાના માસી દેવલબેન તેમજ તેના સાસુ-સસરા વચ્ચે પડતા તેઓ પણ ઘાયલ થયા હતા.

આ બનાવની જાણ થતા દ્વારકા પોલીસ મુળવાસર ગામે દોડી આવી હતી અંને મરનાર દિનેશભાના માસીની ફરિયાદ પરથી 302 મુજબ ગુનો નોંધીને, મૃતદેહનો કબજો લઇને ચારેય આરોપીની ધરપકડ કરી તેમના કોરોના વાયરસના ટેસ્ટ કરાવીને વધુ તપાસ આગળ વધારી છે.