ડાંગમાં સાદગીપૂર્ણ રીતે 15મી ઑગસ્ટના પર્વની ઉજવણી કરાશે

કોરોના સંક્રમણને ધ્યાનમાં રાખીને આગામી 15મી ઓગસ્ટના પર્વની ડાંગ જિલ્લામાં સાદગીપૂર્ણ રીતે ઉજવણી ખૂબજ સાવચેતીથી કરવામાં આવશે. આ સાથે જ સલામતી, સોશિયલ ડીસ્ટન્સ, માસ્ક અને સેનેટાઇઝરનો ફરજિયાત પણે ઉપયોગ કરવાનો રહેશે તે સંબંધિત અધિકારીઓને કલેકટરે જણાવ્યું હતું.

ડાંગ : જિલ્લા સેવા સદન આહવા ખાતે સ્વાતંત્ર પર્વ ઉજવણી સમિતિની બેઠક યોજાઇ હતી. જેમાં કલેક્ટરે આ વર્ષે જિલ્લા કક્ષાની ઉજવણી આહવા સ્થિત પોલીસ પરેડ ગ્રાઉન્ડ ખાતે, વઘઈ તાલુકાની ઉજવણી ચીન્ચીનાગાવઠા ખાતે, સુબીર તાલુકાની ઉજવણી જામન્યામાળ ખાતે કરવા સાથે નોટીફાઇડ વિસ્તાર સાપુતારા અને જિલ્લાની તમામ ગ્રામ પંચાયતો ખાતે સાદગીપૂર્ણ રીતે સ્વાતંત્ર પર્વની ઉજવણી કરવાની રહેશે તેમ જણાવ્યું હતું.

ડાંગ: જિલ્લામાં કોરોના માટેના સાવચેતીના પગલા સાથે સાદગીપૂર્ણ સ્વાતંત્ર પર્વની ઉજવણી કરવામાં આવશે

"કોવિડ-19" સંદર્ભે મળેલી ભારત સરકાર અને રાજ્ય સરકારના આરોગ્ય વિભાગની માર્ગદર્શિકા મુજબ નિયત પ્રોટોકોલ સાથે કાર્યક્રમની ગરિમા મુજબ ઉજવણી કરવા ધ્વજવંદન, મહાનુભાવનું પ્રવચન, રાષ્ટ્ર્ગાન, "કોરોના વોરીયર્સ"નું સન્માન, અને વૃક્ષારોપણ જેવા મુખ્ય કાર્યક્રમોનું આયોજનું કરવા જણાવ્યું હતું.

ડાંગ: જિલ્લામાં કોરોના માટેના સાવચેતીના પગલા સાથે સાદગીપૂર્ણ સ્વાતંત્ર પર્વની ઉજવણી કરવામાં આવશે

ડાંગ જિલ્લામાં જેજીસ્ટ્રેટના હસ્તે ધ્વજવંદનનો કાર્યક્રમ યોજવામાં આવશે. તેમજ સરકારી હોસ્પિટલોની મર્યાદા અને ખાનગી હોસ્પિટલોના ખર્ચને ધ્યાને રાખી, દરેક નાગરિક "કોરોના" સામે પોતાને તથા તેમના કુટુંબ અને સમાજને સલામત રાખે તે આવશ્યક છે તે જણાવ્યું હતું. ખાસ કરીને બાળકો અને વડીલોને બિન જરૂરી ઘરની બહાર ન નીકળવા બાબતે કાળજી લેવાની અપીલ કલેક્ટરે કરી હતી.બેઠકમાં જિલ્લા વિકાસ અધિકારી એચ.કે.વઢવાણિયા, નાયબ વન સંરક્ષક અગ્નિસ્વર વ્યાસ, નિવાસી અધિક કલેકટર ટી.કે.ડામોર, નાયબ જિલ્લા પોલીસ અધિક્ષક સર્વ વસવા સહિતના ઉચ્ચાધિકારીઓએ જિલ્લા અધિકારીઓને માર્ગદર્શન પૂરું પાડ્યું હતું.