ડાંગ: જિલ્લા શિક્ષણાધિકારીની કચેરી દ્વારા જાહેર કરવામાં આવ્યુ છે કે, હાલની કોવિડ-19ની પરિસ્થિતિને ધ્યાનમાં રાખીને ડાંગ જિલ્લામાં માર્ચ 2020 ધોરણ 12 વિજ્ઞાન પ્રવાહના પરિણામનું વિતરણ શરૂ કરવામાં આવશે. તા. 28 મેથી 8 જૂન દરમિયાન વિજ્ઞાન પ્રવાહના તમામ વિદ્યાર્થીઓેને તેમની શાળામાંથી તેમની માર્કશીટ મેળવી લેવાની રહેશે.
આહવા તાલુકામાં જિલ્લા શિક્ષણાધિકારીની કચેરી ખાતેથી 28 સવારે 8 કલાકેથી માર્કશીટનું વિતરણ કરવામાં આવશે. વઘઈ તાલુકામાં તાલુકા પ્રાથમિક શાળા ખાતેથી તા. 28 મે સવારે 8 કલાકેથી માર્કશીટનું વિતરણ કરાશે. જ્યારે સુબીર તાલુકામાં સરકારી માધ્યમિક અને ઉચ્ચત્તર માધ્યમિક શાળા ખાતેથી તા. 28 સવારે 8 કલાકેથી માર્કશીટનું વિતરણ કરવામાં આવશે.
