સાપુતારા પોલીસ દ્વારા ગ્રામ્ય વિસ્તારોમાં ફ્લેગ માર્ચ યોજાઇ

ડાંગની સાપુતારા પોલીસની ટીમ દ્વારા સ્થાનિક સ્વરાજ્યની ચૂંટણીનાં સુરક્ષાનાં ભાગરૂપે ગ્રામ્ય વિસ્તારોમાં ફ્લેગ માર્ચનું આયોજન હાથ ધરવામાં આવ્યું હતુ. સાપુતારા પોલીસ મથકના PSIના માર્ગદર્શન હેઠળ ફ્લેગ માર્ચનું આયોજન કરવામાં આવ્યું હતુ.

• PSIના માર્ગદર્શન હેઠળ ફ્લેગ માર્ચનું યોજાઇ હતી
• ગામડાઓમાં ફ્લેગ માર્ચનું આયોજન
• ચૂંટણી પંચ દ્વારા કાયદો વ્યવસ્થા જળવાઈ રહે તે મુજબનાં પગલા લેવાયા

ડાંગઃ જિલ્લાના સાપુતારા પોલીસની ટીમ દ્વારા સ્થાનિક સ્વરાજ્યની ચૂંટણીનાં સુરક્ષાનાં ભાગરૂપે ગ્રામ્ય વિસ્તારોમાં ફ્લેગ માર્ચનું આયોજન હાથ ધરવામાં આવ્યું હતુ. સાપુતારા પોલીસ મથકના PSIના માર્ગદર્શન હેઠળ ફ્લેગ માર્ચનું આયોજન કરવામાં આવ્યું હતુ. જિલ્લાનાં દરેક વિસ્તારોમાં કાયદો અને વ્યવસ્થા જળવાય રહે તે માટે સુરક્ષાનાં જવાનો સજ્જ પ્રાપ્ત વિગતો અનુસાર સ્થાનિક સ્વરાજ્યની ચૂંટણીને લઈને દરેક રાજકીય પક્ષો પ્રચાર પ્રસારમાં લાગી ગયા છે, ત્યારે ડાંગ જિલ્લાનાં દરેક વિસ્તારોમાં કાયદો અને વ્યવસ્થા જળવાય રહે તેમજ મતદારો નિર્ભય બનીને મતદાન કરે તે માટેની તૈયારીઓ વહીવટી તંત્ર દ્વારા શરૂ કરવામાં આવી હતી.

સાપુતારાનાં ગ્રામ વિસ્તારમાં ફ્લેગ માર્ચ યોજાઇ

આજરોજ ડાંગ જિલ્લાનાં પોલીસ વડા રવિરાજસિંહ જાડેજાનાં માર્ગદર્શન હેઠળ સાપુતારા પોલીસ મથકનાં પી.એસ.આઈ.એમ.એલ. ડામોરનાં નેજા હેઠળ સ્થાનિક સ્વરાજ્યની ચૂંટણીને અનુલક્ષીને લિંગા, અંજનકુંડ, ગારમાળ, શામગહાન, માલેગામ સહિતનાં ગામોમાં ફ્લેગ માર્ચ યોજાઈ હતી. હાલમાં સ્થાનિક સ્વરાજ્યની ચૂંટણીને ગણતરીનાં દિવસો જ બાકી છે. ત્યારે ડાંગ જિલ્લામાં સ્થાનિક સ્વરાજ્યની ચૂંટણી શાંતિપૂર્ણ માહોલમાં સંપન્ન થાય તે હેતુથી જિલ્લા પોલીસ તેમજ ચૂંટણી પંચ દ્વારા કાયદો વ્યવસ્થા જળવાઈ રહે તે મુજબનાં પગલા લેવાઇ રહ્યાં હતા.

ગામડાઓમાં ફ્લેગ માર્ચનું આયોજન કરાયું હતુ

ડાંગ જિલ્લાની સાપુતારા પોલીસની ટીમ તથા SRP દળોએ સાપુતારા પોલીસ મથકનાં હદ વિસ્તારમાં આવતા ગામડાઓમાં ફ્લેગ માર્ચનું આયોજન હાથ ધરી કાયદો અને વ્યવસ્થા જાળવવા માટેનો પ્રજાજનોને સંદેશો આપ્યો હતો.