છેલ્લા અઠવાડિયાથી રાજ્યભરમાં મેઘરાજાની પધરામણી થઈ છે. ત્યારે હાલ દક્ષિણ ગુજરાત સહિત ડાંગ જિલ્લામાં પણ મેઘરાજાની ધમાકેદાર એન્ટ્રી થઈ છે. છેલ્લા કેટલાક દિવસોથી અસહ્ય ગરમી સહન કરી રહેલા ખેડૂતોમાં ખુશીની લાગણી છવાઈ છે. ડાંગ જિલ્લામાં માત્ર વરસાદી છાંટા પડ્યા હતા. ખેતી લાયક વરસાદ ન વરસતા ધરતીપુત્રો મુશ્કેલીમાં મુકાયા હતા. જેથી ખેડૂતોનો પાક નિષ્ફળ જવાનો ભય હતો.
ડાંગમાં વરસાદની ધમાકેદાર બેંટિગ
ડાંગ જિલ્લામાં ચોમાસાની ઋતુમાં ડાંગરની ખેતી કરતાં ખેડૂતો સારા વરસાદની રાહ જોઇને બેઠા હતા. ડાંગ જિલ્લાના દરેક તાલુકામાં વરસાદ પડતા નદીનાળા અને ખેતરોમાં પાણી ફરી વળ્યાં હતા.
વરસાદના લાંબા વિરામબાદ ખેતીલાયક વરસાદ વરસતાં ધરતીપુત્રોમાં ખુશીની લાગણી છવાઈ છે. આ સાથે જ ખેડૂતો ખેતીના કામમાં જોતરાઈ ગયા હતા.
