ડાંગ : જિલ્લાનાં સાપુતારાથી વઘઇને સાંકળતા આંતરરાજ્ય ધોરીમાર્ગનાં શિવારીમાળ-ચીખલી નજીકનાં વળાંકમાં દ્રાક્ષનો જથ્થો ભરેલો આઈસર ટેમ્પો પલ્ટી મારી જતાં ઘટના સ્થળે ગંભીર અકસ્માત સર્જાયો હતો.
ઘટના સ્થળ ઉપરથી મળતી માહિતી મુજબ શનિવારે મહારાષ્ટ્રનાં નાસિક તરફથી દ્રાક્ષનો જથ્થો ભરી રાજસ્થાન જયપુર જઈ રહેલો આઈસર ટેમ્પાને અકસ્માત નડ્યો હતો. આઈસર ટેમ્પો.ન.એમ.એચ.15.જી.વી.9065, જે સાપુતારાથી વઘઇને સાંકળતા આંતરરાજ્ય ધોરીમાર્ગનાં શિવારીમાળ ચીખલી નજીકનાં વળાંકમાં ચાલક દ્વારા અચાનક સ્ટેયરીંગ પરનો કાબૂ ગુમાવી દેતા આ આઈસર ટેમ્પો પલ્ટી મારી જતા ઘટના સ્થળે ટેમ્પો સહિત દ્રાક્ષનાં જથ્થાને જંગી નુકસાન થયુ હતુ. જ્યારે ચાલક અને ક્લીનરને નજીવી ઇજાઓ પહોંચતા તેઓનો ચમત્કારિક બચાવ થયેલી હોવાની વિગતો મળી છે. આ બનાવ સંદર્ભે સાપુતારા પોલીસે ગુનો નોંધી વધુ તપાસ હાથ ધરી હતી.
