દમણ: દમણ ગુજરાતની સરહદ લોકડાઉનમાં સીલ કરી દીધા બાદ દમણમાં જ આવેલું અને દમણની સરહદથી જોડાયેલ કુંતા ગામના લોકો મુસીબતમાં મુકાયા હતાં. ગામના લોકોનો વેપારધંધો, રોજગારી અને જીવન જરૂરિયાતની ચીજવસ્તુઓ માટે દમણમાં જઇ શકતા નહોતા. આ સમસ્યામાંથી કુંતા ગામના લોકો બહાર નીકળી શક્યા છે. તેમજ દમણમાં આવાગમન શરૂ કર્યું હતું.
દમણ પ્રશાસને કુંતાવાસીઓના આધારકાર્ડ ચેક કરી વાહનોને સેનેટાઇઝ કરી પ્રવેશ આપ્યો
ઉલ્લેખનીય છે કે, કુંતા ગામના મોટાભાગના લોકોનો વેપાર ધંધો, રોજગારી અને આવશ્યક ચીજવસ્તુઓ માટે દમણ આવવું અતિ આવશ્યક છે. એ ધ્યાને રાખી આ નિર્ણય લેવામાં આવ્યો છે. તેમ છતાં દમણ જે રીતે અત્યાર સુધી કોરોના મુક્ત રહ્યું છે. તેવી જ રીતે કોરોના મુક્ત રાખવામાં સહયોગ આપે તેવી આશા કલેકટરે વ્યક્ત કરી હતી. જે પણ વ્યક્તિને શરદી, ખાંસી, તાવ જવા લક્ષણો દેખાય તેઓ આરોગ્ય કેન્દ્રમાં જઇ સારવાર કરાવે અને ઘરે જ રહે તેવી અપીલ કરી હતી.
