દમણ: ઘરમાં LPG સિલિન્ડરમાં આગ લાગી, યુવાનોએ કંતાનો દ્વારા ઓલવી

દમણના ઘાંચીવાડ વિસ્તારમાં એક ઘરમાં LPG ગેસ સિલિન્ડરમાં આગ લાગતા ગેસ સિલિન્ડરને ઘર બહાર રસ્તામાં ફંગોળી તેના પર ભીના કોથળા નાખી તેને બુઝાવવામાં આવ્યો હતો. સિલિન્ડરની આગ બુઝાઈ જતા લોકોએ તાળીઓ પાડી આનંદ વ્યક્ત કર્યો હતો.

• ઘરમાં LPG સિલિન્ડરમાં લાગી આગ
• લોકોએ ભીના કોથળા નાખી કાબુ મેળવ્યો
• લોકોએ તાળીઓ પાડી આનંદ વ્યક્ત કર્યો

દમણ :- દમણમાં એક ઘરમાં LPG સિલિન્ડરમાં અચાનક આગ ફાટી નીકળી હતી. જેને જોઈને ઘર માલિકે સિલિન્ડરને જાહેરમાં રસ્તા પર ફંગોળ્યો હતો. આગની જ્વાળા સાથે સિલિન્ડર રસ્તામાં પડ્યો હોવાનું જોતા આસપાસના સ્થાનિક લોકોએ ભીના કોથળા નાખી આગ પર કાબુ મેળવ્યો હતો. LPG ગેસ સિલિન્ડર આગ મામલે કોઇ જાનહાનિનો મામલો સામે આવ્યો નહોતો.

ગેસ સિલિન્ડરમાં આગથી ભયનો માહોલઆગમા લપટાયેલા સિલિન્ડરને જોઈને આસપાસના લોકો એકઠા થઈ ગયા હતા. આ દરમિયાન કેટલાક નીડર યુવાનોએ તાત્કાલિક સળગતા સિલિન્ડર પર ભીના કોથળા નાખવાની શરૂઆત કરી હતી. ભીના કોથળા નાખવાથી આગ બુઝાઈ ગઈ હતી. LPG સિલિન્ડરની આગ બુઝાઈ જતા લોકોએ તાળીઓ પાડી આનંદ વ્યક્ત કર્યો હતો. ઘટના દરમિાન કોઈ પણ પ્રકારની જાનમાલ હાની નહોતી થઈ.