રાજસ્થાના સિરવી ક્ષત્રિય સમાજે ઉજવ્યું પરંપરાગત ધુળેટી પર્વ

રંગોના પર્વ ધુળેટી નિમિત્તે વલસાડ જિલ્લા સહિત સંઘપ્રદેશ દાદરા નગર હવેલી, દમણમાં અબાલ વૃદ્ધ સૌ કોઈ હોળીના રંગે રંગાયા હતાં. ત્યારે ભિલાડ અને તેની આસપાસ ધંધા રોજગાર માટે રાજસ્થાનથી આવીને વસેલા સિરવી ક્ષત્રિય સમાજ દ્વારા પરંપરાગત હોળી પર્વની હર્ષોલ્લાસભેર ઉજવણી કરવામાં આવી હતી.

દમણ : સિરવી ક્ષત્રિય સમાજના નાના બાળકોથી માંડીને 99 વર્ષના વૃદ્ધ સહિત મહિલાઓ અને પુરુષોએ રાજસ્થાની ગીત-ગરબા અને રંગબેરંગી છત્રીના સહારે નાચગાન કરી એકબીજા પર ગુલાલની છોડો ઉડાડી ઉમળકાભેર ધુળેટી પર્વની ઉજવણી કરી હતી.

સમાજના આગેવાનો દ્વારા આયોજિત ધુળેટી પર્વના આનંદ ઉલ્લાસ બાદ સમાજના દરેક પરિવાર માટે સમુહ ભોજનનું પણ આયોજન કરવામાં આવ્યું હતું. જેમાં ભિલાડ અને આસપાસના વિસ્તારમાં રહેતા સિરવી ક્ષત્રિય સમાજના લોકો ખાસ ઉપસ્થિત રહ્યા હતા.