દિલ્હીના શિવવિહારનો યશવીર નામનો 18 વર્ષીય યુવક પોતાના ઘરેથી ભાગી ગયો હતો, ઘરેથી ભાગી જવા પાછળનું કારણ તેનો ફરવાનો શોખ હોવાનું માલુમ પડ્યુ છે. અગાઉ તે બે વાર ઘરેથી ભાગીને જયપુર, રાજસ્થાન અને પાકિસ્તાન બોર્ડર સુધી જઈ આવ્યો છે.
દિલ્હીથી ભાગીને આવેલા કિશોરનું દમણ પોલીસે માતાપિતા સાથે કરાવ્યું મિલન
તાજેતરમાં તે દમણ ભાગી આવ્યો હતો, બાદમાં પોલીસે તેની પાસેથી તેના પિતાનો નંબર લઈ સંપર્ક કરી ઘટનાની જાણ કરી હતી. જેથી તેના માતા-પિતા દમણ દોડી આવ્યા હતા. જ્યાં પોતાના પુત્રને હેમખેમ જોઈ તેમણે પોલીસ પ્રત્યે આભાર વ્યક્ત કર્યો હતો. યશવીર તેના ઘરેથી 19 જૂને 3000 રૂપિયા લઈ વાપી સ્ટેશને આવ્યો હતો, તેમજ ત્યાંથી દમણ પહોંચી રાત્રે દરિયા કિનારે બેઠેલો હતો, જેથી પોલીસ તેને પોલીસમથકે લઈ ગઈ હતી.
