દાહોદ: જિલ્લામાં કોરોના પોઝિટિવ દર્દીના ભાઈને મારામારીનો વીડિયો સોશિયલ મીડિયામાં વાયરલ થઈ રહ્યો છે, તપાસ હાથ ધરાતા જાણવા મળ્યું હતું કે, ગરબાડા નગરમાં રહેતા એક જ પરિવારના પાંચ સભ્યોનો કોરોના રિપોર્ટ પોઝિટિવ આવ્યો હતો.
કોરોના પોઝિટિવ પરિવારના ભાઈ પર હુમલાનો વીડિયો વાયરલ
આજ વિસ્તારમાં રહેતા કેટલાક ઈસમો દ્વારા આ પરિવારને ત્યાં જઈ અપશબ્દો બોલવામાં આવ્યા હતાં. તેમજ તમારા કારણે આ બધુ થયું તેમ કહી કોરોનાગ્રસ્ત યુવકના ભાઈને કેટલાક ઈસમોએ સાથે મળી માર માર્યો હતો.
ગરબાડાના આ કોરોનાગ્રસ્ત પરિવાર દ્વારા દાહોદના ઉચ્ચ અધિકારીઓને આ બનાવ અંગે જાણ કરી હતી અને વધુ તપાસ હાથ ધરી પોતાના પરિવારને સુરક્ષા મળી રહે તે માટે રજુઆત પણ કરવામાં આવી હતી.
