જે બાદ ACBની ટીમે આ બંને આરોપીઓને દાહોદ કોર્ટમાં રજૂ કરવામાં આવ્યા હતા. ACB ના અધિકારીની રજૂઆતને ધ્યાનમાં રાખીને નામદાર કોર્ટ દ્વારા આરોપીઓની વધુ પૂછપરછ માટે ત્રીજી ડિસેમ્બર સુધીના રિમાન્ડ આપવામાં આવ્યા છે.
દાહોદના ચાકલીયા રોડ નજીક રહેતા સી.ડી.ઈ.પી.ઓ. જયાબેન હિરાભાઈ પરમારે એક જાગૃત નાગરિક પાસેથી રૂપિયા ૧૫ હજારની લાંચ લેતા રંગે હાથે ઝડપાયા હતા. જ્યારે આ ઘટનામાં સંડોવાયેલા વર્ગ - ૧ના મહિલા અધિકારી એવા મહિલા અને બાળ વિકાસ વિભાગના વર્ગ - ૧ના આઈસીડીએસ કચેરી દાહોદમાં ફરજ બજાવતા મહિલા કર્મચારી દક્ષાબેન ચૌહાણ રજા પર હોવાથી એસીબી પોલીસે તે સમયે તેમની અટક કરી ન હતી. આ બાદ એસીબી પોલીસને મળેલી માહિતી પ્રમાણે પ્રોગ્રામ ઓફીસર દક્ષાબેન ચૌહાણ પોતાના અમદાવાદ,બાપુનગર,જયબજરંગ સોસાયટી ખાતે રહેણાંક મકાન હોવાની દાહોદ એસીબી પોલીસને માહિતી મળતા આજરોજ દાહોદ એસીબી પોલીસના ઈન્સ્પેક્ટર વાઘેલા તથા તેમની ટીમે અમદાવાદ ખાતે ધામા નાંખ્યા હતા અને દક્ષાબેન ચૌહાણને તેમના નિવાસ્થાનેથી ઝડપ્યા હતા. જે બાદ દાહોદ ખાતે લાવી આગળની વધુ તપાસ હાથ ધરી હતી.તેમજ ઝડપાયેલા બંને આરોપીઓને દાહોદ લાંચ વિરોધી શાખાના તપાસ અધિકારી દ્વારા કોર્ટમાં રજૂ કરવામાં આવ્યા હતા.
અધિકારીને રજૂઆતને ધ્યાનમાં રાખીને નામદાર કોર્ટ દ્વારા આરોપીઓની વધુ પૂછપરછ માટે ત્રીજી ડિસેમ્બર સુધીના રિમાન્ડ આપવામાં આવ્યા છે.
