સેલવાસ: દાદરા નગર હવેલીમાં આવેલા મસાટ ઇન્ડસ્ટ્રીયલ વિસ્તારમા પ્લાસ્ટિકના દાણા બનાવતી સિદ્ધિ પ્લાસ્ટ કંપનીમા રવિવારની મધ્યરાત્રીએ અચાનક આગ ભભૂકી ઉઠી હતી. જેને કારણે ધુમાડાના ગોટેગોટા નીકળ્યા હતા. આગની ઘટના અંગે આજુબાજુની કંપનીના લોકોએ સ્થાનિક પોલીસ અને ફાયર વિભાગને ફોન કર્યો હતો.
સેલવાસ, ખાનવેલ, આલોક તેમજ વાપીથી પણ અંદાજીત 9 જેટલી ફાયરની ગાડી બોલાવવામા આવી હતી. 5 કલાકની જેહમત બાદ આગ પર કાબુ મેળવાયો હતો. કંપનીના ગોડાઉનમા અને શેડમા પ્લાસ્ટિકના દાણાનો સ્ટોક રાખવામા આવ્યો હતો. તે બધો માલ બળીને ખાખ થયો હતો.
આ અંગે કંપની સંચાલકોએ જણાવ્યું હતું કે, ભયંકર આગને કારણે કંપનીનો આખો શેડને નુકસાન થયું છે. આગ લાગવાનુ કારણ તપાસ બાદ જ ખબર પડશે.
મસાટ ગામે પ્લાસ્ટિકના દાણા બનાવતી કંપનીમા આગ લાગતા દોડધામ મચી
