છોટાઉદેપુર નગરપાલિકાના વોર્ડ નં 4ની પેટાચૂંટણીમાં કોંગ્રેસના ઉમેદવારનો વિજય

છોટાઉદેપુરઃ નગરપાલિકાના વોર્ડ નંબર 4ની પેટા ચૂંટણી યોજાઈ હતી. જેના પરિણામ આવતા કોંગ્રેસના ઉમેદવાર સંગ્રામસિંહ રાઠવાનો વિજય થયો હતો. સંગ્રામસિંહનો વિજય થતાં કાર્યકરોમાં ખુશીનો માહોલ છવાઈ ગયો હતો. જીત બાદ વિજય સરઘષ કાઢવામાં આવ્યુ હતું.

સમગ્ર રાજ્યમાં પેટાચૂંટણી યોજાઈ તેમાં છોટાઉદેપુર નગરપાલીકાના વોર્ડ નં 4ની સભ્યની ખાલી પડેલ બેઠક પર તારીખ 22.10.2019ના દિવસે ચૂંટણી યોજાઇ હતી. તેની મતગણતરી ગુરુવારે સવારે 9 કલાકે જિલ્લા સેવાસદાન ખાતે નાયબ કલેકટર મયુર પરમારની અઘ્યક્ષતામાં થઈ હતી. જેમાં કોંગ્રેસના સંગ્રામસિંહ રાઠવાને 1261 મત જ્યારે ભાજપના ગણપતભાઈ રાઠવાને 647 મત મળ્યા હતાં. જેથી સંગ્રામસિંહ રાઠવાને 614 મતથી વિજેતા જાહેર કરવામાં આવતા સંગ્રામસિંહ રાઠવાના ટેકેદારો એ ફટાકડા ફોડી ઉજવણી કરી હતી.

છોટાઉદેપુર નગરપાલિકામાં સંગ્રામસિંહની જીત થતા કોંગ્રેસના સભ્યની સંખ્યા 08 થઈ છે. જ્યારે બહુજન સમાજવાદી પાર્ટી 09, ભાજપ 4, ભારતીય ટ્રાયબલ પાર્ટી 02,અપક્ષ 5 છે. જેમાં અત્યારે બ.સ.પા,અપક્ષ અને બી.ટી.પી સાથે મળી ને સત્તામાં છે. હવે આગામી દિવસોમાં નગરપાલિકા પ્રમુખ ,ઉપપ્રમુખનીની ચૂંટણી યોજાવાની છે, ત્યારે કોની સત્તા આવે છે તે જોવાનું રહ્યું.