ભાવનગરઃ જિલ્લાના સિહોરમાં એક 20 વર્ષીય યુવાનને કોરોના રિપોર્ટ પોઝિટિવ આવતા તંત્રમાં દોડધામ મચી છે. અફઝલ હનીફ દસાડીયા નામનો યુવાન કે જે વડોદરા નાગરવાડા તબલીઘી જમાતમાં ગયા બાદ 23 માર્ચના રોજ પરત ફર્યો હતો. જેમાં તેમની સાથે અન્ય ૯ લોકો પણ સાથે હોય જેની હકીકત મળતા તંત્ર દ્વારા આ 10 લોકોનો રિપોર્ટ કરાવતા 1 પોઝિટિવ આવ્યો હતો.
ભાવનગરમાં વધુ એક કોરોના પોઝિટીવ કેસ નોંધાયો, જિલ્લામાં કુલ આંક 24 પહોંચ્યો
જેને લઈ નાયબ કલેક્ટર, મામલતદાર, પોલીસ અધિકારીઓ તેમજ આરોગ્યની ટીમ સહિતનો કાફલો સિહોરના જલુના ચોક વિસ્તારમાં દોડી ગયો હતો અને સમગ્ર વિસ્તારને અડધી રાત્રે સિલ કરવાની કાર્યવાહી હાથ ધરવામાં આવી હતી.
જ્યારે પરિવારના 7 સભ્યોને પણ ક્વોરેન્ટાઇન કરવામાં આવ્યા છે. ભાવનગરમાં સિહોરના યુવાનનો કોરોના પોઝિટિવ રિપોર્ટ મળી કુલ 24 કેસ નોંધાયા છે. જેમાં જેસર બાદ બીજો ગ્રામ્ય કક્ષાનો કેસ સામે આવ્યો છે.
