અંકલેશ્વર પોલીસ કર્મીઓ દ્વારા એકતા શપથ લેવાયા

લોખંડી પુરુષ સરદાર વલ્લભભાઇ પટેલની જન્મજયંતી નિમિત્તે અંકલેશ્વર ખાતે પોલીસ કર્મીઓ દ્વારા એકતા શપથ કાર્યક્રમનુ આયોજન કરવામાં આવ્યું હતું.

• આજે સરદાર વલ્લભભાઇ પટેલની જન્મજયંતી
• અંકલેશ્વર પોલીસ કર્મીઓએ લીધા એકતા શપથ
• વલ્લભભાઇ પટેલની જન્મજયંતીની પોલીસ કર્મીઓ દ્વારા ઉજવણી
  

ભરૂચ :લોખંડી પુરુષ સરદાર વલ્લભભાઇ પટેલની જન્મજયંતીની અંકલેશ્વર ખાતે પોલીસ કર્મીઓ દ્વારા ઉજવણી કરવામાં આવી હતી અને અંકલેશ્વર શહેર પોલીસ મથક ખાતે પોલીસ કર્મીઓ દ્વારા એકતા શપથ લીધા હતા.

અંકલેશ્વર પોલીસ કર્મીઓ દ્વારા એકતા શપથ લેવાયા

અંકલેશ્વરમાં અનોખી ઉજવણી

સ્વતંત્રતા બાદ ભારતને અખંડ રાખવા માટે મહત્વની ભૂમિકા ભજવનારા સરદાર વલ્લભભાઈ પટેલની જન્મજયંતીની સમગ્ર દેશમાં ઉલ્લાસભેર ઉજવણી કરવામાં આવી રહી છે. ત્યારે અંકલેશ્વર શહેર પોલીસ મથકના પોલીસ કર્મીઓ દ્વારા અનોખી રીતે ઉજવણી કરવામાં આવી હતી.

પોલીસ કર્મીઓ દ્વારા એકતાના શપથ

અંકલેશ્વર શહેર પોલીસ મથકના પોલીસ ઈન્સ્પેક્ટર એફ.કે.જોગલ દ્વારા તમામ પોલીસ કર્મીઓને એકતાના શપથ લેવડાવવામાં આવ્યા હતા. પોલીસ કર્મીઓએ પણ શપથ લઈ સરદાર વલ્લભ ભાઈ પટેલને શ્રદ્ધાસુમન અર્પણ કર્યા હતા.