રવિવારના રોજ ભરૂચ શહેરની મનુબર ચોકડી સ્થિત મુન્શી મેમોરિયલ ચેરીટેબલ ટ્રસ્ટ સંચાલિત મુન્શી શાળાના સિલ્વર જ્યુબિલી વર્ષની શાળા પટાંગણમાં ઉજવણી કરવામાં આવી હતી. આ પ્રસંગે રાજ્ય સભાના સાંસદ અહેમદ પટેલ વિશેષ ઉપસ્થિત રહ્યા હતા.
જેઓને પત્રકારોએ CAA ,NRC તેમજ LRD અનામત પ્રશ્ને સવાલ પૂછતા તેઓએ કેન્દ્ર અને રાજ્ય સરકારને આડે હાથ લીધી હતી અને નિવેદન આપતા જણાવ્યુ હતું કે, સરકાર ખાનગીકરણને પ્રાધાન્ય આપી આનામત પદ્ધતિ ખતમ કરવાં માંગે છે. NRC,CAA મુદ્દે સરકાર સામે લોકો સ્વંયમભૂ વિરોધ કરી રહ્યા છે.
સરકાર સામેના આંદોલન રાજકીય નહીં પરંતુ સ્વંયમભુ છે: અહેમદ પટેલ
તેમજ LRC બાબતે રૂપાણી સરકાર પર પ્રહાર કરતાં જણાવ્યુ હતું કે, સરકારની નીતિ જ યોગ્ય નહિ તેઓ પાસે શું આશા રાખી શકાય, આમ કેન્દ્ર અને રાજ્ય સરકારને સાંસદ અહેમદ પટેલે આડે હાથ લીધી હતી.
