- 26 વર્ષે જિલ્લા પંચાયતમાં સ્પષ્ટ બહુમતીએ ભાજપે સત્તા મેળવી
- નેત્રંગ તાલુકા પંચાયતમાં 1 કોંગી સભ્યના ટેકાથી BJPએ સત્તા મેળવી
- સ્થાનિક સ્વરાજની ચૂંટણીઓમાં કોંગ્રેસ અને BTPનો વાઈટ વોસ થયો
ભરૂચ: જિલ્લાના ઈતિહાસમાં પહેલી વાર BJPએ ભરૂચ જિલ્લા પંચાયત સાથે 4 પાલિકા અને 9 તાલુકા પંચાયત કબ્જે કરી છે. સ્થાનિક સ્વરાજની ચૂંટણીઓમાં કોંગ્રેસ અને BTPનો વાઈટ વોસ થઈ ગયો હતો. ભાજપે જિલ્લાની તમામ 4 પાલિકા, અને 26 વર્ષ બાદ જિલ્લા પંચાયતમાં રેકોર્ડ બ્રેક બહુમતી હાંસલ કરી હતી સાથે જ 9 તાલુકા પંચાયત પૈકી 8માં ભાજપ બહુમતી સાથે આગળ રહ્યું હતું. નેત્રંગ તાલુકા પંચાયતમાં 16 બેઠકો પેકી 8 BJP, 5 BTP અને 3 કોંગ્રેસને મળી હતી.
આ પણ વાંચો: ભરૂચ જિલ્લા પંચાયતમાં પ્રમુખ-ઉપપ્રમુખના નામની જાહેરાત
16 સભ્યો પૈકી 13 સભ્યો હાજર રહ્યા
નેત્રંગ તાલુકા પંચાયતમાં સત્તાનું સુકાન હાંસલ કરવાના ખેલમાં મંગળવારે 16 સભ્યો પેકી 13 સભ્યો હાજર રહ્યા હતા. જેમાં BTPનો 1 સભ્ય વસુંધરા મનોજ વસાવા અને કોંગ્રેસના 2 સભ્ય સુભાષ વસાવા અને ઊર્મિલાબેન વસાવા ગેરહાજર રહ્યા હતા.
આ પણ વાંચો: કેશોદ નગરપાલિકામાં પ્રમુખ અને ઉપપ્રમુખની બિનહરીફ વરણી
ચૂંટણીમાં ભાજપનો 9 મત અને BTPને 4 મત મળ્યા હતા
નેત્રંગ તાલુકા પંચાયતમાં સત્તા બનાવવા માટે બહુમતી 9 પૈકી ભાજપ પાસે 8 હોવાથી કોંગ્રેસના આંજોલી બેઠકના દિનેશ શંકર વસાવાના ટેકાથી BJPનું બોર્ડ બન્યું હતું. નેત્રંગ તાલુકા પંચાયત પ્રમુખ તરીકે ભાજપના કોયલી-માંડવી બેઠકના લીલાબેન માનસંઘ વસાવા પ્રમુખ તેમજ ઉપપ્રમુખ તરીકે કરેઠા બેઠકના વંદન કરણ વસાવા ચૂંટાઈ આવ્યા હતા. ચૂંટણીમાં ભાજપનો 9 મત અને BTPને 4 મત મળ્યા હતા.
- ભરૂચ જિલ્લાની 4 નગર પાલિકાના પ્રમુખ
| નગરપાલિકા | નગર પાલિકાના પ્રમુખ |
| ભરૂચ | અમિત ચાવડા |
| અંકલેશ્વર | વિનય વસાવા |
| આમોદ | મહેશ પટેલ |
| જંબુસર | ભાવના રામીની |
- 9 તાલુકા પંચાયતના પ્રમુખ
| તાલુકા પંચાયત | તાલુકા પંચાયતના પ્રમુખ |
| ભરૂચ | મોના પટેલ |
| અંકલેશ્વર | અરવિંદ પટેલ |
| હાંસોટ | ગેમલસિંહ પટેલ |
| ઝઘડીયા | રીના વસાવા |
| વાલિયા | સેવંતુ વસાવા |
| આમોદ | રોનક પટેલ |
| જંબુસર | અંજુબહેન સિંધા |
| વાગરા | કોમલ મકવાણા |
- ભરૂચ જિલ્લા પંચાયત
| પ્રમુખ | અલ્પા પટેલ |
| ઉપપ્રમુખ | ભરત પટેલ |
