ભરૂચ GIDCમાં આવેલા હૉલમાં કૉંગ્રેસ સંચાલિત લોક સરકારના દક્ષિણ ગુજરાતનું સ્નેહ મિલન સમારોહનું આયોજન કરવામાં આવ્યું હતું. જેમાં કોંગ્રેસની સોશ્યિલ મીડિયા કમિટીનાં રાષ્ટ્રીય ચેરમેન રોહન ગુપ્તાએ મહારાષ્ટ્રની રાજકીય પરિસ્થિતિ અંગે નિવેદન આપતા જણાવ્યું હતું કે, "ભાજપે લોકતંત્રની હત્યા કરવાનો કોન્ટ્રાકટ લીધો છે."
ગુજરાતમાં યોજાયો સ્નેહ મિલન સમારોહ
આ કાર્યક્રમમાં રાષ્ટ્રીય ચેરમેન રોહન ગુપ્તા, ભરૂચ જીલ્લા કોંગ્રેસ પ્રમુખ પરિમલસિંહ રણા, શહેર કોંગ્રેસના પ્રમુખ વીકી શોખી, યુથ કોંગ્રેસ પ્રમુખ શેરખાન પઠાણ, પ્રદેશ કોંગ્રેસના પૂર્વ મહામંત્રી રાજેન્દ્રસિંહ રણા, આગેવાન સંદીપ માંગરોલા તેમજ કાર્યકરો ઉપસ્થિત રહ્યાં હતા. તેમણે પોતાના વક્તવ્યમાં કાર્યકરોને સ્થાનિક સ્વરાજ્યની સંસ્થાઓની ચૂંટણીને ધ્યાને લઇ કામે લાગી જવા હાકલ કરી હતી.
