ભરુચઃ ભરૂચમાં પ્રથમ વરસાદે જ પ્રિમોન્સૂન કામગીરીની પોલ ખુલ્લી પડી જતાં નગરપાલિકા તંત્ર હરકતમાં આવ્યું છે અને યુદ્ધના ધોરણે એકસાથે ચારથી વધુ સ્થળોએ કાંસની સાફસફાઈ શરુ કરવામાં આવી છે. ભરૂચમાં ગતરોજ વરસેલ પ્રથમ વરસાદે જ નગર સેવાસદનની પ્રિમોન્સૂન કામગીરીની પોલ ખુલ્લી પડી ગઈ હતી.સવારથી બપોર સુધી વરસેલ સવા ઇંચ વરસાદમાં જ શહેરના વિવિધ વિસ્તારોમાં જળબંબાકારની પરિસ્થિતિનું નિર્માણ થયું હતું અને વરસાદી પાણી ભરાઈ ગયા હતા.
ભરૂચમાં પ્રથમ વરસાદે જ પ્રિમોન્સૂન કામગીરીની પોલ ખુલ્લી પડી, પાલિકાતંત્ર આવ્યું હરકતમાં
આજે વરસાદે વિરામ લેતાં મોડેમોડે પણ નગરપાલિકા તંત્ર હરકતમાં આવ્યું છે. ભરૂચ નગર સેવાસદન દ્વારા આજે સવારથી જ યુદ્ધના ધોરણે એકસાથે ચારથી વધુ સ્થળોએ કાંસની સાફસફાઈ શરુ કરાવવામાં આવી છે. વરસાદી પાણીના નિકાલ માટેની કાંસમાંથી કચરો સાફ કરાવવામાં આવી રહ્યો છે અને પાણીનો નિકાલ થાય એ પ્રકારની વ્યવસ્થા ગોઠવવામાં આવી રહી છે.
