દહેજની ફીલાટેક્ષમાંથી ગત ફેબ્રુઆરી અને એપ્રિલ માસમાં 26 કન્ટેનરોમાં પોલીસ્ટર યાર્નનાં કાર્ટુન સુરતના હજીરા પોર્ટ ખાતેથી પોલેન્ડ, બાંગ્લાદેશ અને સાઉથ કોરિયા સહિતના દેશમાં મોકલવામાં આવ્યા હતા. જો કે જે તે દેશમાં પોલીસ્ટર યાર્ન પહોંચતા તે 440 મેટ્રિક ટન ઓછું હોવાનું બહાર આવતા આ અંગે રૂપિયા 4.15 કરોડની કિમતના પોલીસ્ટર યાર્નની ચોરી અંગે દહેજ પોલીસ મથકે ગુનો નોંધતા પોલીસે તપાસ શરુ કરી હતી.
પોલીસે તપાસ દરમિયાન દેશના વિવિધ રાજ્યોમાંથી 5 આરોપીઓની ધરપકડ કરી છે. પોલીસે યુ.પી ના રહેવાસી હસીબુલ્લાહ ચોધરી, શિવરાજ પાંડે, સેલવાસના જીત્નેદ્ર શર્મા, પુષ્પેન્દ્ર મિશ્રા અને યુ.પી ના સોનુંસિગની ધરપકડ કરી છે. મુખ્ય આરોપી સુધીરે ઝડપાયેલા તમામ આરોપીઓને બોગસ દસ્તાવેજોનાં આધારે ટ્રાન્સપોર્ટ કંપનીમાં ડ્રાઇવર તરીકે નોકરી અપાવી હતી અને આ ષડ્યંત્ર રચ્યું હતુ.
દહેજની ફિલાટેક્ષ કંપનીમાંથી કન્ટેનરો પોલીસ્ટર યાર્નનાં કાર્ટુન સુરતના હજીરા પોર્ટ ખાતે નીકળ્યા હતા. તે દરમિયાન નાની નરોલી ગામ પાસે કન્ટેનર ઉભા રાખી તેમાંથી યાર્નની ચોરી કરી લેવામાં આવી હતી અને બાદમાં તેને વિવિધ લીનકનાં આધારે દિલ્હી સહિતના પ્રદેશમાં વેંચી દેવામાં આવતું હતું. પોલીસે ઝડપાયેલા આરોપીઓ પાસેથી રોકડ રકમ, 10 મોબાઈલ અને કાર મળી કુલ રૂપિયા 15.36 લાખનો મુદ્દામાલ કબ્જે કરી કાયદેસરની કાર્યવાહી હાથ ધરી છે. આ ગેન્ગના નિશાના પર દેશની અન્ય મલ્ટી નેશનલ કંપનીઓ પણ હોવાનું બહાર આવ્યું છે.
