ભરૂચ: જિલ્લામાં રવિવારના રોજ કોરોનાના વધુ 27 પોઝિટિવ કેસ નોધાતા જિલ્લામાં કોરોના પોઝિટિવ કેસની સંખ્યા 646 પર પહોચી છે. ભરૂચ જિલ્લામાં કોરોના વાઇરસનું સંક્રમણ દિનપ્રતિદિન વધી રહ્યું છે, ત્યારે રવિવારના રોજ જિલ્લામાં કોરોના વાઇરસના વધુ 27 પોઝિટિવ કેસ નોધાયા છે. લેવામાં આવેલા 64 સેમ્પલ પૈકી 27 પોઝિટિવ કેસ આવ્યા છે. એટલે 42 ટકા સેમ્પલ પોઝિટિવ આવ્યા છે.
પોઝિટિવ આવેલા દર્દીઓને સારવાર અર્થે વિવિધ કોવિડ હોસ્પિટલ ખસેડવામાં આવ્યા છે. રવિવારના રોજ આવેલા પોઝિટિવ નવા કેસ સાથે ભરૂચ જિલ્લામાં કોરોના પોઝિટિવ કેસની સંખ્યા 646 પર પહોચી છે. ત્યારે ભરૂચ જિલ્લામાં ક્લેટર ડો.એમ.ડી.મોડીયાએ ભરૂચ અને અંકલેશ્વરના વિવિધ કન્ટેઈનમેન્ટ ઝોનની મુલાકાત લીધી હતી.
