થરાદથી 10 કિલોમીટર દૂર આવેલા વાડિયા ગામ એટલે દેહવેપારની નગરી તરીકે ઓળખાતી. જો કે, આ ગામ વિચારતા સમુદાય સમર્થન મંચ નામની સંસ્થાના ધ્યાનમાં આવ્યું ત્યારે તેના સંચાલકોએ આ ગામમાં બદલાવની શરૂઆત કરી અને ત્યાંથી શરૂ થઈ આ ગામના મહિલાઓના નવ જીવનની, વિચારતા સમુદાય સમર્થન મંચે સામાજિક અને આર્થિક પછાત લોકોના વિકાસ માટે કામ કરે છે.
આ સંસ્થાના સંચાલકોને જ્યારે આ ગામની માહિતી મળી ત્યારે તેઓએ આ ગામમાં પરિવર્તન લાવવાનું નક્કી કરી લીધું હતું. છેલ્લા 12 વર્ષથી આ ગામમાં આ સંસ્થાના લોકો દેહવ્યાપરમાં કામ કરતી મહિલાઓ અને યુવતીઓને નર્કમાંથી બહાર લઇ આવવાનો પ્રયાસ કરી રહ્યા છે. એક સમયે 90 % ગામના લોકો દેહવ્યાપાર સાથે સંકળાયેલા હતા. જ્યારે આ સંસ્થાના પ્રયાસથી આજે લગભગ આ ગામમાંથી આ બધું દૂર થઈ ગયું છે. આ સંસ્થાથી અત્યાર સુધીમાં 50થી પણ વધુ યુવતીઓના લગ્ન કરવામાં આવ્યા છે. મહત્વની વાત એ છે કે, આ સંસ્થા માત્ર આ ગામમાં દેહ વ્યાપારમાં સંકળાયેલી યુવતીઓના લગ્ન નથી કરાવતું, પરંતુ તેઓને તમામ કરિયાવરની ચીજવસ્તુઓ અને સાથે જ તેઓનું જીવન નિર્વાહ ચાલી શકે તે માટે પશુઓ પણ આપવામાં આવે છે.
