અંકલેશ્વર શહેરમાં તસ્કરો જાણે બેફામ બન્યા છે. રેલ્વે સ્ટેશન નજીક આવેલા ઝમઝમ એપાર્ટમેન્ટમાં ગત મોડી રાત્રીએ તસ્કરો ત્રાટક્યા હતા. એક બંધ મકાનને નિશાન બનાવી ચોરીના ગુનાને અંજામ આપ્યો હતો. તિજોરીમાંથી રોકડા રૂપિયા ૧ લાખની ચોરી કરી ફરાર થઇ ગયા હતા. ચોરી કરવા આવેલા તસ્કરો સીસીટીવી કેમેરામાં કેદ થયા હતા.
CCTV ફુટેજમાં જોઈ શકાય છે કે, તસ્કર એપાર્ટમેન્ટમાં પ્રવેશે છે અને અન્ય મકાનોને બહારથી બંધ કરી દે છે. જો કે તસ્કરો દ્વારા કેમેરો બંધ કરવાનો પણ પ્રયાસ કરવામાં આવ્યો હતો. આ તમામ ગતિવિધિ કેમેરામાં કેદ થઈ છે. આ બનાવ અંગે શહેર પોલીસે ફરિયાદ નોંધી તપાસ હાથ ધરી છે. તિજોરીમાંથી રોકડા રૂપિયા ૧ લાખની ચોરી કરી ફરાર થઇ ગયા હતા.
અંકલેશ્વરમાં તસ્કરો બેફામ, બંધ ફ્લેટમાંથી 1 લાખની ચોરી
