બનાસકાંઠામાં રખડતા પશુઓનો ત્રાસ દિન-પ્રતિદિન વધી રહ્યો છે. જેમાં ગઈકાલે અમીરગઢના મોટાકરઝા ગામે એક આખલો આતંકીત થઈ ગયો હતો અને તે સમયે ગામમાં જ રહેતા વૃદ્ધ મહિલા હેમબા ભેરસિંહ ચૌહાણને અડફેટે લીધા હતા. જ્યાં વૃદ્ધાને ગંભીર ઈજાઓ પહોંચાડી હતી. આ ઘટનાથી આજુબાજુના લોકો દોડી આવ્યા હતા અને ઇજાગ્રસ્ત વૃદ્ધાને આંખલાના ચુંગલમાંથી બચાવી સારવાર અર્થે ખસેડાયા હતા.
બનાસકાંઠા મોટાકરઝા ગામે આખલાએ વૃદ્ધાને અડફેટે લેતા વૃદ્ધાનું મોત
અહીં સારવાર દરમિયાન આ વૃદ્ધ મહિલાનું કરૂણ મોત નીપજ્યું હતું. જ્યારે, આ સિવાય પણ અન્ય ત્રણ લોકોને આતંકીત બનેલા આખલાએ જીવલેણ હુમલો કરતાં ગ્રામજનો ભયભીત બની ગયા હતા. જેથી આજે વહેલી સવારે ગ્રામજનો એકઠા થઇ આખલાને પકડી ઝાડ સાથે બાંધી પાંજરાપોળને સોંપ્યો હતો. આખલાને પાંજરાપોળમાં સોંપતા ગ્રામજનોએ રાહતનો દમ લીધો હતો.
